+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Ulttyq jáne memlekettik JOO-lar 600-den astam jańa bilim baǵdarlamasyn engizdi

2021 jylǵy 14 shilde 12:41
Bólisińiz:
Ulttyq jáne memlekettik JOO-lar 600-den astam jańa bilim baǵdarlamasyn engizdi

NUR-SULTAN. QazAqparat - Qazaqstanda memlekettik jáne ulttyq joǵary oqý oryndary ótken eki jylda 600-den astam jańa jáne 100-ge jýyq ınnovatsııalyq bilim baǵdarlamasyn engizdi, dep habarlaıdy QazAqparat.

Uqsas jańalyqtar
Shahtınsk qalasynda múgedek balalardy damytý ortalyǵy  jabylyp qalýy múmkin Bilim salasynyń 270 qyzmetkeri jemqorlyqqa jol bergeni úshin jazalandy - Marat Ahmetjanov Bilim berý mekemelerin zeınetkerler kúzete ala ma – Senator saýaly

Jańa bilim baǵdarlamalaryna joǵary oqý oryndarynda buryn-sońdy kadr daıarlaýǵa paıdalanylmaǵan, al ınnovatsııalyq baǵdarlamalarǵa ýnıversıtette alǵash ret engizilip otyrǵan jáne basqa JOO-da joq bilim baǵdarlamalary jatady.

Jańa bilim baǵdarlamalarynyń basym bóligi «Pedagogıkalyq ǵylymdar» (20%), «Bıznes, basqarý jáne quqyq» (18%), «Injenerlik, óńdeý jáne qurylys salalary» (16%) baǵyttary boıynsha ashyldy.

Mundaı úrdis pedagogterdiń mártebesin arttyrýmen, sonymen birge el ekonomıkasyndaǵy óńdeýshi jáne qurylys salalaryn damytýǵa degen suranyspen baılanysty.

«BǴM-ge vedomstvolyq baǵynyshty ulttyq jáne memlekettik joǵary oqý oryndarynyń barlyq jańa jáne ınnovatsııalyq baǵdarlamasy joǵary jáne joǵary oqý ornynan keıingi bilim baǵdarlamalarynyń tizilimine engizilgen. Bul olardyń joǵary oqý oryndarynyń bilim berý qyzmetine qoıylatyn biliktilik talaptaryna sáıkestigin rastaıdy. Qazir biz bilim sapasyna degen suranysty kúsheıtip jatyrmyz. Engizilip jatqan baǵdarlamalar jumys berýshilermen birlesip, olardyń mamandarǵa qoıatyn talaptary men suranystaryn eskere otyryp ázirlengen», — dep atap ótti QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.

Máselen, Qaraǵandy tehnıkalyq ýnıversıtetinde 2019 jyldan bastap 7 jańa bilim baǵdarlamasy boıynsha maman daıarlaý júrgizilip keledi.

Bul - «Mashına jasaý salasyndaǵy tsıfrlyq tehnologııalar», «Basqarýdyń kiriktirilgen tsıfrlyq júıeleri», «Taý-ken kásiporyndary men jerasty qurylystaryn salý», «Tsıfrlyq aerofototúsirilim», «Tamaq bıoındýstrııasy», «IT-medıtsına» jáne «Jerdi qashyqtyqtan aldyn ala tekserý».

Ulttyq jáne memlekettik joǵary oqý oryndary sondaı-aq «Kıberpedagogıka», «Tsıfrlyq analıtıkalyq bilim berý júıelerin jobalaý», «Jasandy ıntellekt tehnologııalary», «Ushatyn apparattardyń ushý dınamıkasy jáne qozǵalysyn basqarý», «Medıtsınalyq ınjınırıng» jáne basqa da ınnovatsııalyq bilim berý baǵdarlamalary boıynsha mamandar daıarlaıdy.

Toraıǵyrov ýnıversıtetinde (burynǵy «S.Toraıǵyrov atyndaǵy Pavlodar memlekettik ýnıversıteti») Computer Science ınnovatsııalyq jańa fakýlteti quryldy.

Ýnıversıtet stýdentteri kıberqaýipsizdik, baǵdarlamalyq ınjenerııa, veb-ázirleý, DevOps-ınjenerııa, grafıka jasaýdy úırenedi.

Olarǵa IT salasynyń tájirıbeli mamandary sabaq beredi.

Sondaı-aq ótken eki jyldyń ishinde joǵary oqý oryndarynda «Tsıfrlyq pedagogıka», «STEM-bilim berý», «Aqparattyq qaýipsizdik», «Adam resýrstaryn basqarý» jáne basqa da bilim baǵdarlamalary jańartyldy.

Joǵary oqý oryndary basqa da bilim berý baǵdarlamalaryn odan ári jetildirý ári ózektendirý boıynsha jumys júrgizedi.

Búginde qoldanystaǵy baǵdarlamalardyń 40%-dan astamy jańartyldy. Baǵdarlamalarǵa jańa pánder men tájirıbege baǵyttalǵan kýrstar engizilgen.

Bilim men ǵylymdy damytýdyń 2020-2025 jyldarǵa arnalǵan memlekettik baǵdarlamasy aıasynda jańa bilim baǵdarlamalaryn engizý jalǵasady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT