+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Kóterme-taratý ortalyqtary qalaı qurylyp jatyr –  Baqyt Sultanov

2021 jylǵy 13 shilde 14:31
Bólisińiz:
Kóterme-taratý ortalyqtary qalaı qurylyp jatyr –  Baqyt Sultanov

NUR-SULTAN. QazAqparat – Saýda jáne ıntegratsııalar mınıstri Baqyt Sultanov kóterme-taratý ortalyqtaryn qurý protsesi týraly aıtyp berdi, dep habarlaıdy QazAqparat tilshisi.

«Kóterme-taratý ortalyqtary memlekettik-jekeshelik áriptestik qaǵıdattarynda qurylýy tıis. Sondyqtan biz jeke ınvestorlardyń konsortsıýmdarymen jumys istedik. Ótken jyly protsedýrany bastadyq, tıisti saraptamany júrgizdik, MJÁ-niń basqa kelisimsharttary boıynsha úsh-tórt jyl boıy júrgizilgen jumystan biz bir jylda óte aldyq dep aıta alamyn. Ótken aptada MJÁ shartyna qol qoıylyp, tolyqqandy jumys bastaldy. Árıne, bul ýaqytty aýystyrýǵa týra keldi. Tıisti qoımalardyń bolmaýy da aýyl sharýashylyǵy taýaryn óndirýshilerdiń shyǵyndaryna, ónimniń el ishinde bólinýine tikeleı áser etedi, saıyp kelgende sórelerdegi qymbat baǵaǵa ákep soǵady», - dedi Saýda mınıstri Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, kóterme-taratý ortalyqtaryn qurý – bir kúnde bitetin sharýa emes.

«Munda tıisti jumys kestesi bar. Birinshi kezeń boıynsha 7 kóterme-taratý ortalyǵy boıynsha kelisimsharttar jasaldy, jumys bastaldy. Biz ınvestorlarmen 2022 jylǵy eginge úlgerýge tyrysamyz. Biz barlyq qajettilikti jappaımyz. 24 kóterme-taratý ortalyǵynyń 15-i – aýyl sharýashylyǵy ónimderin óndirý oryndarynda ashylatyn agrologııalyq ortalyqtar, olar da barlyq qajettilikti óteı almaıdy. Biz zákir júıesin jasaımyz. Memleket basshysy Úkimettiń keńeıtilgen otyrysynda tapsyrǵanyndaı, bıznes osyndaı kókónis qoımalaryn qurý boıynsha belsendi jumys isteýi úshin jumys júrgiziledi. Olardyń barlyǵy zákirli joba aınalasynda biryńǵaı júıege qurylady», - dep túsindirdi mınıstr.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT