+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Nobel syılyǵynyń laýreaty «Gaýhar tasty» shved tilinde sóıletti

2021 jylǵy 13 shilde 13:15
Bólisińiz:
Nobel syılyǵynyń laýreaty «Gaýhar tasty» shved tilinde sóıletti

NUR-SULTAN. QazAqparat – Belgili jazýshy, dramatýrg Dýlat Isabekovtiń shved tiline aýdarylǵan shyǵarmalar jınaǵy oqyrmanǵa jol tartty, dep habarlaıdy QazAqparat tilshisi.

Uqsas jańalyqtar
Aqtóbede Tólegen Aıbergenov pen Shámshi Qaldaıaqovqa eskertkish ornatyldy Saıyn Muratbekov atyndaǵy áńgimeler baıqaýy jarııalandy Jetinshi synyptan jetpiske kelgenshe qolymnan qalam túsken joq – Belgili ǵalym, jazýshy Tursyn Jurtbaı 70 jasta

Gün Publishing House jáne Hertfordshire Press atty shved baspasy qazaq jazýshysynyń shyǵarmalaryn «Brännande Sol, Isande Vind, Levande Stäpp» (Ot úrlegen kún, Muz búrikken jel, Jandy dala) degen atpen aýdarý jumysyn 2019 jyly bastaǵan bolatyn.

Baspa mamandary aýdarmanyń mazmunymen birge kitap muqabasynyń kórnekti ári sapaly bolýyna da kóp kúsh salynǵanyn aıtady.

Sonyń arqasynda kitap tek Shvetsııaǵa emes, London arqyly búkil Eýrazııadaǵy shvedtildi oqyrmandarǵa taratylmaq.

Jazýshy, dramatýrg, QR Memlekettik syılyǵynyń birinshi laýreaty Dýlat Isabekovtiń dramalyq shyǵarmalary Londondaǵy Eýrazııa shyǵarmashylyq Gıldııasynyń qoldaýymen qurlyqtaǵy birneshe elde sahnalanyp júr.

2022 jyly bul elderdiń tizimine Aýstralııa da enbekshi.

«Brännande Sol, Isande Vind, Levande Stäpp» kitabyna jazýshynyń «Gaýhar tas», «Súıekshi», «Dermene», «Ókpek jolaýshy», «Biz soǵysty kórgen joqpyz» sııaqty bes tanymal povesi men «Qabylan» jáne «Tynyshtyq kúzetshisi» atty áńgimeleri kirgen.

Bul rette «Ókpek jolaýshy» povesiniń Londonda sahnalanǵanyn aıta ketý kerek.

Kitapty shved tiline Nobel syılyǵynyń laýreaty, Shved koroldik Ǵylym akademııasynyń akademıgi, Amerıka ǵylym jáne óner akademııasynyń múshesi Bengt Samýelson aýdarǵan.

Kitaptyń promo-prezentatsııasy byltyr Londondaǵy Oebf 2020 ádebı festıvaliniń aıasynda ótken bolatyn.

Al resmı tusaýkeserin bıyl Qazaqstannyń Stokgolmdaǵy Elshiligimen birlesip ótkizý josparlanyp otyr.

Sharada shved akademıkteri men dıplomattary qatysyp, kitap týraly retsenzııalaryn usynbaqshy.

Kitaptyń onlaın nusqasyn Discovery Bookshop resmı saıtynan satyp alýǵa bolady.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT