+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

QR Prezıdenti BUU Bas Assambleıasynyń tóraǵasy Volkan Bozkyrmen kezdesti

2021 jylǵy 9 shilde 16:46
Bólisińiz:
QR Prezıdenti BUU Bas Assambleıasynyń tóraǵasy Volkan Bozkyrmen kezdesti

NUR-SULTAN. QazAqparat - Qazaqstan Prezıdenti BUU Bas Assambleıasynyń tóraǵasy Volkan Bozkyrmen kezdesý ótkizdi, dep habarlaıdy QazAqparat Aqordanyń baspasóz qyzmetine silteme jasap.

Uqsas jańalyqtar
Álemde týberkýlezden kóz jumǵandar sany sońǵy 10 jylda alǵash ret ósti BUU 2040 jylǵa deıin ishten janý dvıgatelimen júretin kólikterdi shyǵarýdy toqtatýǵa shaqyrdy Eraly Toǵjanov pen BUU Bas hatshysynyń kómekshisi yntymaqtastyqtyń basym baǵyttaryn talqylady

Kezdesý barysynda Qazaqstan men Birikken Ulttar Uıymy arasyndaǵy yntymaqtastyqtyń basym baǵyttary talqylandy. Pandemııaǵa qarsy kúrestegi birlesken is-qımyldarǵa, sondaı-aq, óńirlik qaýipsizdik pen turaqtylyqty qamtamasyz etýge erekshe nazar aýdaryldy.

Prezıdent Qasym-Jomart Toqaev BUU Bas Assambleıasynyń tóraǵasy Volkan Bozkyrdyń Qazaqstan men aımaqqa jasaǵan sapary Ortalyq Azııanyń róli artyp kele jatqanyn kórsetetinin atap ótti.

– Ortalyq Azııada bolyp jatqan ahýaldy baǵalaý turǵysynan Sizdiń bul saparyńyz asa mańyzdy. Atalǵan aımaq jahandyq saıasat aıasynda zor mańyzǵa ıe bolyp kele jatyr. Ózińizdi BUU Bas Assambleıasynyń saılanǵan tóraǵasy retinde kórgenime qýanyshtymyn. Sizdiń osy jaýapty ári mańyzdy mıssııańyz tabysty bolady dep oılaımyn. Biz Birikken Ulttar Uıymyn mýltılateralızmniń dińgegi retinde qarastyramyz. Qazaqstan BUU-nyń maqsattaryn tolyq qoldaıdy. Assambleıa Sizdiń dana basshylyǵyńyzben Uıymnyń maqsatyna qol jetkizýine, ásirese, qalypty ómirdiń barlyq salasyna áser etken pandemııanyń teris saldary kezinde eleýli úles qosady, – dedi Qazaqstan Prezıdenti.

Memleket basshysy halyqaralyq qoǵamdastyqtyń pandemııa saldaryna qarsy kúreste judyryqtaı jumylýy qajet dep sanaıdy.

– Qazaqstan halyqaralyq qoǵamdastyqtyń jaýapty múshesi retinde daǵdarystyń saldaryn eńserý úshin barlyq kúsh-jigerin jumsaıdy. Biz ózimizdiń tól vaktsınamyzdy ázirledik. Keleshekte, qajet bolǵan jaǵdaıda, ony muqtaj elderge usynýǵa daıynbyz, – dedi Prezıdent.

Volkan Bozkyr Qasym-Jomart Toqaevqa jyly qabyldaǵany úshin alǵys aıtyp, Qazaqstannyń BUU Qaýipsizdik Keńesine tóraǵalyǵynyń qorytyndylaryn, sondaı-aq, Sırııa qaqtyǵysyn retteý úshin júrgizgen jumystaryn joǵary baǵalady.

– Qazaqstan Birikken Ulttar Uıymynyń jumysyna óte belsendi atsalysady. Siz BUU júıesinde kóp jyl jumys istedińiz. Tájirıbeńiz mol. Eldiń basshylyǵy da Uıymmen belsendi yqpaldastyq jasaıdy. Qazaqstannyń Sırııa qaqtyǵysyn Astana protsesi retinde belgili beıbit jolmen retteýge qosqan úlesin qoldaımyn, – dedi BUU Bas Assambleıasynyń tóraǵasy.

Sonymen qatar áńgimelesý barysynda Aýǵanstandaǵy ahýalǵa baılanysty óńirlik qaýipsizdik pen turaqtylyqty qamtamasyz etý máseleleri de sóz boldy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT