+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Oralda poıyz er adamdy qaǵyp ketti

2021 jylǵy 9 shilde 11:23
Bólisińiz:
Oralda poıyz er adamdy qaǵyp ketti

ORAL. QazAqparat – Oralda poıyz er adamdy qaǵyp ketti, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz hatshysy Aınagúl Saqposynovanyń málim etkenindeı, búgin túngi saǵat 01.56-da jedel járdemge qońyraý shalynyp, Derkól aýylynda er adamdy poıyz qaǵyp ketkeni jóninde habar túsken.

«Oqıǵa ornynan orta jastaǵy er adam oblystyq kópbeıindi aýrýhanaǵa jetkizildi. Ol oqıǵa saldarynan eki aıaǵynan aıyryldy. Qazirgi kezde jaǵdaıy aýyr, jansaqtaý bóliminde», dedi A.Saqposynova.

QR ІІM Kóliktegi polıtsııa departamenti baspasóz qyzmetiniń naqtylaýynsha, oqıǵa «Taýarly Kardon» aınalymynda boldy. Atalǵan derek QR QK 344-baby 1-bóligi, ıaǵnı temirjol kóligi qozǵalysynyń qaýipsizdik qaǵıdalaryn buzý boıynsha Oral stantsııasyndaǵy jelilik polıtsııa bóliminiń sotqa deıingi tergep-tekserýdiń biryńǵaı tiziliminde tirkeldi. Qazir tergeý amaldary júrgizilýde. Bul is boıynsha basqa aqparat QR Qylmystyq is júrgizý kodeksiniń 201-baby talaptaryna sáıkes tergeý múddesine oraı jarııalaýǵa jatpaıdy.

Eske sala keteıik, Oralda 25 jastaǵy jigitti poıyz qaǵyp ketkenin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT