+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qarasaı aýdanynda sel júrip, saıajaıdaǵy 6 úı qırady

2021 jylǵy 8 shilde 16:22
Bólisińiz:
Qarasaı aýdanynda sel júrip, saıajaıdaǵy 6 úı qırady

TALDYQORǴAN. QazAqparat - Almaty oblysynyń Qarasaı aýdanynda sel júrip, saıajaıdaǵy 6 úı qırady, dep habarlaıdy QazAqparat tilshisi.

« 7 shildede saǵat 21:39-da Almaty oblysynyń TJD Qarasaı aýdanyndaǵy Qyrǵaýyldy aýylynan joǵary ornalasqan «Gornyı sadovod« baý-baqsha qoǵamynda sý qubyrynyń jarylý saldarynan laı balshyq kóshkeni habarlanǵan.

Zerdeleý nátıjesi boıynsha dıametri 50 mm sý qubyrynan sý aǵyp, saldarynan topyraq ezilgen. Keıin laı-balshyq kóshkeni anyqtaldy. Laı kóshkin tehnogendik genezıske (adam áreketinen landshafttyń ózgerýi) jatady»,- delingen Almaty oblystyq Tótenshe jaǵdaılar departamentindegi baspasóz qyzmetiniń habarlamasynda.

Vedomstvonyń aqparatyna sáıkes, oqıǵa saldarynan saıajaıdaǵy 6 úı qıraǵan, olardyń 3-i qaraýsyz qalǵan. Taǵy bir saıajaı jartylaı zardap shekken. Oqys oqıǵadan eshkim zardap shekpedi.

«Balshyq massasynyń kólemi shamamen 50 myń tekshe metr, uzyndyǵy 200 metr, shamamen 310 metrge jyljyǵan, jalpy uzyndyǵy 510 metr, túsý ornynan eni 50 metr jáne sońyna taman 7 metr, bıiktigi 1-den 7 metrge deıin jetti.

Qazirgi ýaqytta aýmaqty tazartý júrgizilip jatyr. Zardapty joıý jumystaryna Almaty oblysy TJD, Almaty qalasy TJD, TJM №28237 áskerı bólimi, TJM AShQJ, «Qazseldenqorǵaý« MM, Almaty qalasy Apattar medıtsına ortalyǵy, Almaty oblysy polıtsııa departamenti jáne jedel medıtsınalyq járdem brıgadalary jumyldyryldy», - dep tolyqtyrdy atalǵan vedomstvonyń baspasóz qyzmetinen.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT