+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstanda qysqa merzimdi onlaın kýrstardyń biryńǵaı portaly iske qosyldy

2021 jylǵy 7 shilde 10:02
Bólisińiz:
Qazaqstanda qysqa merzimdi onlaın kýrstardyń biryńǵaı portaly iske qosyldy

NUR-SULTAN. QazAqparat - QR Eńbek jáne halyqty áleýmettik qorǵaý mınıstrligi men «Eńbek resýrstaryn damytý ortalyǵy» AQ skills.enbek.kz qysqa merzimdi onlaın kýrstarǵa oqytý portalyn iske qosty.

Uqsas jańalyqtar
4 myńnan astam erekshe qajettiligi bar bala Ońaltý ortalyqtarynda kómek aldy Ózbekáli Jánibekovke Almaty men Túrkistanda eskertkish ornatylmaq Barlyq mańyzdy taýar toptamasy boıynsha qadaǵalaý jumystary júrip jatyr – Asqar Mamın

Qazirdiń ózinde onlaın kýrstardyń 70 avtory men ázirleýshileri múddeli azamattar úshin ózderiniń oqytý baǵdarlamalaryn usynýǵa daıyn, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Portal marketpleıs (qyzmetter naryǵy) qaǵıdaty boıynsha onlaın kýrstarǵa qoljetimdilikti usynatyn halyqaralyq oqytý alańdarynyń qazaqstandyq balamasy bolyp tabylady. Resýrs jalpy el halqynyń bilim deńgeıi men kásibıligin arttyrý, damýǵa yntalandyrý jáne «ómir boıy oqytý» tujyrymdamasyn ilgeriletý maqsatynda quryldy.

Іske qosý kezinde qazaqstandyq avtorlar men ázirleýshiler aspazdyq jáne kýlınarııalyq is, kosmetıkalyq, zańdyq jáne býhgalterlik qyzmetter, qurylys, qonaqúı jáne meıramhana isi, is júrgizý, IT, SMM salalary boıynsha kýrstar usynady.

Kez-kelgen azamat https://skills.enbek.kz/ siltemesi arqyly nemese enbek.kz Elektrondy eńbek bırjasynda «Onlaın oqytýdy» tańdaý arqyly talap etiletin biliktilikke oqytýǵa nemese biliktilikti arttyrý kýrstaryna qol jetkize alady.

Kýrstardyń avtorlary men ázirleýshileri qazaqstandyq zańdy tulǵalar men jeke kásipkerler, sonyń ishinde oqý ortalyqtary, bilim berý uıymdary bolyp tabylady. Olar qazirdiń ózinde kýrstardy ornalastyrý úshin tegin alań usynýda, onlaın oqytýdy damytýǵa járdemdesýde, qosymsha kiris kózin alýda portaldyń artyqshylyqtaryn kórip otyr.

Jańa bastaǵan avtorlar men ázirleýshiler úshin portalda onlaın kýrstardy qurý boıynsha ádistemelik usynymdar jáne olarǵa qoıylatyn talaptar ázirlendi jáne ornalastyryldy.

Skills.enbek.kz portalynda tirkelý men jumys isteýdiń barlyq máseleleri boıynsha QR Eńbekmıni «ERDO» AQ jaýapty qyzmetkerlerimen baılanysýdy suraımyz:

- Aıbýldınova Aınur, telefon: 8 (7172) 95 43 17 (ish.405), 87059873477, elektrondyq poshta: a.aibuldinova@enbek.kz;

- Kapıtonova Dınara, telefondar: 8 (7172) 95 43 17 (ish.405), 87072503337, elektrondyq poshta: d.kapitonova@enbek.kz;

- Bıdahmetova Venera, telefondar: 8(7172) 95 43 17 (ish.405), 87789302101, elektrondyq poshta: v.bidakhmetova@ enbek.kz.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT