+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qazaqstanǵa Birikken Ulttar Uıymynyń delegatsııasy keldi

2021 jylǵy 6 shilde 23:26
Bólisińiz:
Qazaqstanǵa Birikken Ulttar Uıymynyń delegatsııasy keldi

NUR-SULTAN. QazAqparat – 7-8 shilde kúnderi Nur-Sultan qalasynda «Astana formatynda» Sırııa boıynsha kelissózderdiń kezekti raýndy ótedi. Búgin Qazaqstan elordasyna BUU delegatsııasy keldi, dep habarlaıdy QazAqparat.

QR Syrtqy ister mınıstrliginiń málimetine sáıkes, Nur-Sultanǵa BUU Bas hatshysynyń Sırııa boıynsha arnaıy elshisi Geır Pedersen jetti. Ol buǵan deıin aldaǵy kezdesýge qatysatynyn qýattaǵan bolatyn.

7-8 shildede ótetin «Astana formatyndaǵy «Sırııa boıynsha kelissózderge Sırııa Arab Respýblıkasy atynan Syrtqy ister mınıstrliginiń basshysy, al qarýly oppozıtsııadan Ahmad Toma qatysady.

Buǵan deıin QR SІM málim etkendeı, Sırııa boıynsha joǵary deńgeıdegi 16-shy halyqaralyq kezdesýge kepilger elder - Iran, Reseı jáne Túrkııa, sondaı-aq Sırııanyń úkimeti men qarýly oppozıtsııasy ókilderiniń qatysýy josparlanǵan. Baqylaýshylar retinde BUU, Iordanııa, Irak pen Lıvannyń joǵary deńgeıdegi ókilderi qatysady.

Kelissózderdiń kún tártibine kelesi máseleler kiredi:

- Sırııadaǵy, onyń ishinde áleýmettik-ekonomıkalyq jáne sanıtarlyq-epıdemıologııalyq ahýal;

- Sırııaǵa halyqaralyq izgilik kómek kórsetý;

- Jenevadaǵy sırııalyq Konstıtýtsııalyq komıtet jumysynyń jandaný perspektıvalary;

- taraptar arasyndaǵy senimdi nyǵaıtý, onyń ishinde tutqyndarmen almasý, kepilge alynǵandardy bosatý jáne iz-túzsiz joǵalǵandardy izdeý.

«Kelissózderdiń birinshi kúni ekijaqty jáne kepilger elderdiń úshjaqty konsýltatsııalaryn, sırııalyq taraptarmen kelissózder, baqylaýshy taraptardyń delegatsııalarymen baılanystar, al ekinshi kúni konsýltatsııalardy jalǵastyrý jáne Jalpy otyrys ótkizý josparlanýda.

Sonymen qatar kepilger elderdiń, BUU jáne Halyqaralyq qyzyl krest komıteti sarapshylarynyń qatysýymen májbúrlep ustalyp otyrǵan tulǵalar boıynsha Jumys tobynyń kezekti otyrysy kózdelgen», - delingen edi QR SІM habarlamasynda.

Sondaı-aq syrtqysaıasat vedomstvosy is-sharaǵa sheteldik jáne otandyq BAQ ókilderi qalaı kirgiziletinin málim etken bolatyn.

Sırııa boıynsha «Astana formatyndaǵy» 15-shi halyqaralyq kezdesý 2021 jyldyń 16-17 aqpanynda Reseıdiń Sochı qalasynda ótti.




Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT