+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Qazaqstandyq kásipkerler Ózbekstanda iri aýylsharýashylyq ortalyǵyn salady - Sheteldegi qazaq tildi BAQ-qa sholý

2021 jylǵy 5 shilde 15:55
Bólisińiz:
Qazaqstandyq kásipkerler Ózbekstanda iri aýylsharýashylyq ortalyǵyn salady - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar

Qazaq Elshisi Mońǵolııa depýtaty Bádelhan Qabdisilámulymen kezdesti - Kaznews

Qazaqstan Respýblıkasynyń Mońǵolııadaǵy Tótenshe jáne Ókiletti Elshisi Jalǵas Ádilbaev «Mońǵolııa - Qazaqstan parlamentaralyq dostyq tobynyń» tóraǵasy – Uly Hýral depýtaty Bádelhan Qabdisilámulymen kezdesti, dep habarlaıdy Kaznews aqparat portaly.

Atalǵan BAQ-tyń keltirgen deregine súıensek, kezdesý barysynda qazaqstandyq dıplomat Mońǵolııada jáne Qazaqstanda Covid-19 pandemııasyna qarsy ekpe jumystary joǵary deńgeıde júrip jatqanyna toqtaldy. Sondaı-aq, Qazaqstan Respýblıkasynyń Bıologııalyq qaýipsizdik máseleleri jónindegi ǵylymı-zertteý ınstıtýtynyń mamandary jasaǵan «QazVac» koronavırýsyna qarsy otandyq vaktsına týraly maǵlumat berip, Qazaqstan tarapynyń osy baǵyttaǵy usynystaryna toqtalyp ótti.

«Buǵan qosa, J.Ádilbaev bıyl Qazaqstan Respýblıkasynyń Táýelsizdiginiń 30 jyldyǵy toılanatanyn, osy jyldar kezeńindegi elimizdiń qol jetkizgen jetistikterine jeke toqtaldy jáne qazirgi kezeńde elimizde demokratııalyq pen azamattyq qoǵamdy odan ári jetildirý baǵytyndaǵy saıası reformalar týraly baıandady», dep jazdy mońǵolııalyq BAQ.

Taraptar bıyl Qazaqstan parlamentine 25 jyl tolýyna baılanysty «Mońǵolııa-Qazaqstan parlamentaralyq dostyq tobynyń» múshelerimen kezdesip, eki eldiń halyq qalaýlylary arasyndaǵy yntymaqtastyqty damytý týraly sharalarǵa toqtalǵan. Ekijaqty parlament depýtattary arasyndaǵy ózara is-qımyldy jandandyrý qajettiligin atap ótken.

Mońǵolııalyq BAQ-tyń dereginshe, joǵary jáne joǵarǵy deńgeılerdegi saıası dıalogty keńeıtý, sondaı-aq EQYU men BUU sııaqty halyqaralyq uıymdar sheńberindegi bastamalardy ilgeriletýde ózara qoldaý kórsetý máseleleri boıynsha syndarly pikir almasýlar bolǵan.

«Kezdesý sońynda joǵaryda atalǵan uıymdar sheńberinde ózara qoldaý kórsetý jáne yntymaqtastyqty tereńdetý, sondaı-aq budan ári Qazaqstan men Mońǵolııa arasyndaǵy parlamentaralyq ózara is-qımyldyń tetikterin pysyqtaý týraly ýaǵdalastyqqa qol jetkizildi», dep túıindeıdi Kaznews aqparat portaly.

Ankarada 30 jyldyqqa arnalǵan kontsert - TRT

Ankarada túrkitildes memleketter táýelsizdiginiń 30 jyldyǵyna arnalǵan kontsert bolyp ótti. Túrkııanyń bas qalasy Ankarada Prezıdenttik sımfonııalyq orkestr zalynda Ázerbaıjan, Qazaqstan, Qyrǵyzstan, Ózbekstan jáne Túrkimenstan Táýelsizdiginiń 30 jyldyǵyna arnalǵan «Túrki áleminiń halyq ánderi» atty kontserttik baǵdarlama ótti.

Bul týraly osy aptada Túrkııa radıo televızııa portaly habarlaǵan bolatyn.

Atalmysh is-sharany Halyqaralyq túrik mádenıet uıymy Túriksoı jáne TR Mádenıet jáne týrızm mınıstrligi uıymdastyrǵan.

TRT-nyń dereginshe, kontserttiń ótkizilýine baýyrlas elder Qazaqstan, Ázerbaıjan, Qyrǵyzstan, Ózbekstan jáne Túrkimenstan mádenıet mınıstrlikteri qoldaý kórsetken.

Merekelik kontsertke Túriksoı Bas hatshysy Dúısen Qaseıinov, TR Mádenıet jáne týrızm mınıstriniń orynbasary Ózgúl Ózkan ıAvýz, Qazaqstan Respýblıkasynyń Túrkııa Respýblıkasyndaǵy Elshisi Abzal Saparbekuly, Qyrǵyz Respýblıkasynyń Túrkııa Respýblıkasyndaǵy Elshisi Kýbanychbek Ómirálıev, Ózbekstan Respýblıkasynyń Túrkııa Respýblıkasyndaǵy Elshisi Álisher Aǵzamhodjaev pen birqatar qurmetti qonaq qatysty.

Túrkııa Respýblıkasy Mádenıet jáne týrızm mınıstriniń orynbasary ıAvýz túrkitildes elderdi Táýelsizdiktiń 30 jyldyǵymen quttyqtady.

Kontserttik baǵdarlamada Qazaqstannan, Ázerbaıjannan, Qyrǵyzstannan, Túrkııadan Ózbekstannan jáne Túrikmenstannan kelgen ónerpazdar óner kórsetti.

Aıta keteıik, kontsert Halyqaralyq túrik mádenıet uıymy Túriksoıdyń áleýmettik jelidegi esepterinen tikeleı jarııalandy.

Qazaqstandyq kásipkerler Ferǵanada iri aýylsharýashylyq kóterme-taratý ortalyǵyn salady - «ÓzA» aqparattyq agenttigi

Qazaqstandyq kásipkerler Ferǵanada iri aýylsharýashylyq kóterme-taratý ortalyǵyn salmaq. Ol úshin 30 mıllıon dollar salýǵa nıetti. Osy kelisim arqyly oblysta ósirilgen aýylsharýashylyq ónimderin tikeleı Qazaqstan naryǵyna shyǵarý kózdelgen, dep habarlaıdy Ózbekstannyń «ÓzA» agenttigi.

Osy kelismge qol jetkizý úshin Qazaqstan Respýblıkasynyń Saýda jáne ıntegratsııa mınıstri Baqyt Sultanov bastaǵan delegatsııa 27 maýsymda resmı saparmen Ferǵana oblysyna kelip, oblys ákimshiliginde ákimniń birinshi orynbasary Avazbek Ýrınbaev kezdesý ótti.

«ÓzA»-nyń dereginshe, kelissózder barysynda taraptar Ferǵana oblysy men Qazaqstan Respýblıkasy arasyndaǵy ózara tıimdi yntymaqtastyqty jolǵa qoıý, aýylsharýashylyq ónimderin ósirýdiń, saqtaýdyń, muzdatýdyń, keptirýdiń jáne oraýdyń jańa ádisterine arnalǵan keshen qurý, sondaı-aq taýar aınalymyn arttyrý, biryńǵaı saýda júıesin qurý sııaqty máselelerdi jedeldetý jóni talqylandy.

Kezdesý barysynda Baqyt Sultanov bul joly memlekettik qyzmetkerlerden quralǵan úlken delegatsııamen kelgenin aıtqan. Aralarynda kásipkerler men iri saýda sektorlarynyń jetekshileri bar ekenin tilge tıek etken.

Qazaqstandyq kásipkerlerdiń Ózbekstanmen yntymaqtastyǵy burynnan jalǵasyp keledi, biraq biz osy sapar barysynda osy yntymaqtastyq mehanızmin jetildirýdi josparlap otyrmyz. Sol sebepti bul joly Ózbekstanda 3 iri aýylsharýashylyq ónimderin kóterme satý ortalyqtaryn qurýǵa nemese qoldanystaǵy logıstıkalyq ortalyqtarmen seriktestikte jumys isteýge nıettimiz, dep málimdegen QR Saýda jáne ıntegratsııa mınıstri Baqyt Sultanov.

Ol úshin shamamen 30 mıllıon dollar salýǵa daıyn ekendikterin aıtqan Baqyt Sultanov osy logıstıkalyq ortalyqtardy tez iske qosyp, 2022 jyly jınalǵan ónimdi tikeleı Qazaqstan naryǵyna jiberý josparymyz bar, - degen.

Orta Azııadaǵy eń iri jel elektr stantsııasy Qazaqstannyń jańa energııa salasyna dem berdi - «Jenmın jıbao» (People Daily)


Qytaıdyń «Jenmın jıbao»portalynda osyndaı taqyryptaǵy aqparat jarııalandy.

Qazaqstannyń Jańatas qalasyndaǵy «Jańatas» jel elektr stantsııasynyń kezekshi qyzmetkerleri negizgi meńgerý ortalyǵynda jel elektr stantsııa qurylǵylarynyń jaǵdaıyn osylaı baqylaıdy, dep bastalady bul habar.

«Jańatas – Qazaqstannyń ońtústik bóligindegi qala. Bul qala kezinde fosfor kenine baılanysty gúldenip, keıin ken kásibi salasynyń quldyraýyna baılanysty quldyraǵan bolatyn. Búgingi tańda, Qazaqstan men Qytaı kásiporyndary birlesip salǵan Orta Azııadaǵy eń iri jel elektr nysany – 100 megavattyq «Jańatas» jel elektr nysany salynyp bolý aldynda tur. Bul nysan qalaǵa jańa ómirsheńdik qýat syılaıtyn bolady», dep jazady People Daily.

Aıta keteıik, Jambyl oblysy Sarysý aýdanyndaǵy bul jel elektr stantsııasy – Ortalyq Azııadaǵy eń iri joba. Ony salýǵa ınvestor 150 mln dollar qarajat jumsalǵan. Qýaty 100 megavatt bolatyn qondyrǵylar ońtústik aımaqtardy qajet energııamen qamtýǵa yqpal etpek.


Bizdiń kanalymyzǵa jazylyńyz:

#Qandastar   #BAQ  
Bólisińiz:

Avtor:

Beısen Sultan

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT