+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Dombyra kúni: Qandaı mádenı sharalar ótedi

2021 jylǵy 4 shilde 07:53
Bólisińiz:
Dombyra kúni: Qandaı mádenı sharalar ótedi

NUR-SULTAN. QazAqparat - 4 shilde saǵat 11:00-de Mádenıet jáne sport mınıstrliginiń uıymdastyrýymen Ulttyq dombyra kúnine arnalǵan onlaın formatta merekelik kontsert ótedi, dep habarlaıdy QazAqparat.

Kontsert QAZAQSTAN telearnasynan tikeleı efırde kórsetiledi.

Kontsertte Qurmanǵazy atyndaǵy Qazaq akademııalyq halyq aspaptar orkestri, N. Tilendıev atyndaǵy «Otyrar sazy» etnofolklorlyq orkestri, Táttimbet atyndaǵy akademııalyq fılarmonııasynyń halyq aspaptarynan quralǵan jıyntyq orkestr men elimizdiń dástúrli ónerpazdary sahnaǵa shyǵady.

Ulttyq dombyra kúninde respýblıkamyzdyń 17 óńirinen kelgen Táýelsizdik qurdastarynan quralǵan 30 dombyrashy Táýelsizdiktiń mereıli 30 jyldyǵyna kúıden shashý shashady.

Qala turǵyndary men qonaqtaryna alǵashqy ret Dombyra kúnine arnaıy syılyq retinde EHRO ortalyǵy alańynda kúı mektepteriniń kórnekti tulǵalarynyń kúılerin uıaly telefonmen QR-kod arqyly júktep alyp tyńdaýǵa bolatyn aqparattyq stendter ornatylady.

EHRO ortalyǵy alańynda aspan astyndaǵy sahnada Qazaqstannyń eńbek sińirgen artısteri Seken Turysbekov, Aıgúl Úlkenbaeva, Qazaqstannyń eńbek sińirgen qaıratkerleri Batyrjan Myqtybaev, Nurken Áshirov syndy dáýlesker kúıshilerimiz ataqty kúıshi babalarymyz Qurmanǵazy, Qazanǵaptan bastap Qazaqstan kompozıtorlarynyń kúmbirlegen kúıinen shashý shashyp, Qazaqstannyń eńbek sińirgen artısi Ramazan Stamǵazıev, Qazaqstannyń eńbek sińirgen qaıratkerleri Sáýle Janpeıisova, Elmura Jańabergen, Ardaq Balajanova, Erlan Rysqalı syndy kúmis kómeı ánshilerimiz áýelete án shyrqaıdy. «Naǵyz qazaq qazaq emes, naǵyz qazaq dombyra» atty án men kúı tógilgen kontsertimizde jas oryndaýshylar – halyqaralyq jáne respýblıkalyq konkýrstardyń laýreattary óner kórsetedi.

Sonymen qatar kontsert aıasynda óńirlerden kelgen tanymal dombyra sheberlerine Mádenıet jáne sport mınıstrligi atynan alǵys hat pen merekelik kádesyı tabys etiledi.

Eske salsaq, búgin qazaqstanyqtar Ulttyq dombyra kúni atap ótýde. 2018 jyldan beri shildeniń alǵashqy jeksenbisi qazaqtyń tól aspbynyń kúni retine toılanyp keledi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT