+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Belarýs pen Qazaqstan: Yntymaqtastyq pen saýda

2021 jylǵy 3 shilde 19:06
Bólisińiz:
Belarýs pen Qazaqstan: Yntymaqtastyq pen saýda

MINSK. BELTA-QazAqparat – QR Táýelsizdiginiń 30 jyldyǵynda «QazAqparat» halyqaralyq aqparat agenttigi óziniń ınternet-resýrsynda Qazaqstan sııaqty táýelsizdigin 1991 jyly alǵan elderdiń áriptes aqparat agenttikteri daıyndaǵan materıaldardy jarııalaıdy. Búgin, 3 shilde Belarýs Respýblıkasynyń Táýelsizdigi kúni nazarlaryńyzǵa arnaıy «QazAqparat» HAA úshin BelTA aqparat agenttigi daıyndaǵan BR men QR arasyndaǵy yntymaqtastyqtyń 30 jyldyq tarıhy týraly materıaldy usynamyz.

Eki el arasyndaǵy dıplomatııalyq qatynastar 1992 jyldyń 16 qyrkúıeginde ornatyldy. 1997 jyly Belarýs Respýblıkasynyń Qazaqstandaǵy Elshiligi ashyldy. Al Qazaqstannyń Elshiligi Belarýste 1995 jyly ashyldy.

Belarýs Respýblıkasy men Qazaqstan Respýblıkasy arasynda belsendi dıalog júrip jatyr. Eki el arasynda sonyń ishinde TMD, UQShU, Eýrazııalyq ıntegratsııa aıasynda eń joǵary jáne joǵary deńgeıdegi issaparlar, Belarýs jáne Qazaqstan prezıdentteri men premer-mınıstrleriniń arasynda kezdesýler turaqty túrde iske asyrylyp keledi.

Qazaqstan Respýblıkasy Prezıdentiniń 2017 jyldyń qarasha aıynda Mınsk qalasyna jasaǵan sapary men Belarýs Respýblıkasy Prezıdentiniń 2019 jyldyń qazan aıynda Nur-Sultan qalasyna jasaǵan resmı sapary eki el arasyndaǵy qatynastardyń strategııalyq sıpatyn rastady. 2017 jyly Belarýs eli Astana qalasynda ótken «EKSPO-2017» halyqaralyq mamandandyrylǵan kórmege qatysty.

Búginde ekijaqty yntymaqtastyqtyń kelisim-quqyqtyq negizinde 80-nen astam halyqaralyq kelisim men qujat bar. Qazaqstan Belarýs Respýblıkasynyń TMD elderimen syrtqy saýda kólemi jaǵynan kórshiles jáne basty saýda seriktesteri Reseı men Ýkraınadan keıin úshinshi orynda tur.

2020 jyly Belarýs Respýblıkasynyń Qazaqstan Respýblıkasymen syrtqy saýda taýarlarynyń kólemi 847 mln AQSh dollaryna jetti. Bul rette Belarýstiń Qazaqstanǵa eksporty 747,1 mln dollar boldy. 2020 jyly Belarýstiń Qazaqstan eline eksportynyń negizgi pozıtsııalary: traktor, sıyrdyń jas eti men salqyndatylǵan eti, sút, qoıytylǵan jáne qurǵaq kilegeı, qant, kombaındar, irimshik, jıhaz, dári-dármekter.

Qazaqstan aýmaǵynda Belarýs tehnıkasy men jabdyqtaryn birlesip qurastyratyn 7 iri óndirisi («MTZ» AAQ, «Gomselmash» AAQ, «MAZ» AAQ, «Bobrýıskagromash» HBK» AAQ jáne t.b) jumys júrgizip keledi. Qazaqstan naryǵynda Belarýstiń tanymal taýar markalary: «Konte», «Marko», «Mılavıtsa», «Mark Formel», «Pınskdrev», «Gomeldrev», «Keramın», «Bellesızdelıe», «Alıýteh», «Kommýnarka», «Santa-Bremor» taýarlary, sondaı-aq jetekshi otandyq óndirýshilerdiń et-sút ónimderi keńinen usynylǵan.

Jalpy alǵanda, Belarýs kásiporyndarynyń Qazaqstandaǵy taýar ótkizý jelisi Belarýs kapıtalynyń qatysýymen qurylǵan 40-qa jýyq sýbekti, sondaı-aq 170-ten astam dılerlik uıymnan turady.


Bizdiń kanalymyzǵa jazylyńyz:

Bólisińiz:

Avtor:

Zarına Týǵanbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT