+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstan Prezıdenti «Urpaq teńdigi» atty jahandyq forýmda beıne úndeý jasady

2021 jylǵy 1 shilde 20:00
Bólisińiz:
Qazaqstan Prezıdenti «Urpaq teńdigi» atty jahandyq forýmda beıne úndeý jasady

NUR-SULTAN. QazAqparat - Qasym-Jomart Toqaev «BUU – áıelder» qurylymynyń Frantsııa jáne Meksıka úkimetterimen birlesip uıymdastyrǵan «Urpaq teńdigi» atty jahandyq forým qatysýshylaryna beıne úndeý jasady.

Uqsas jańalyqtar
Qasym-Jomart Toqaevtyń QHA Keńesiniń keńeıtilgen otyrysynda sóılegen sózi Toqaev Semeıde F.Dostoevskııdiń 200 jyldyǵyna ataýly is-shara uıymdastyrýdy usyndy Memleketke qarsy arandatýshylyqtyń barlyq túrine toıtarys berý kerek - Prezıdent

Bul týraly QazAqparat Aqordanyń resmı saıtyna silteme jasap habarlaıdy.

Vırtýaldy formatta ótken jıyn genderlik teńdik salasyndaǵy jahandyq kúsh-jigerdi úılestirýge arnalǵan. Forýmnyń negizgi maqsaty – osy protseske tartylǵan barlyq qatysýshynyń naqty mindettemelerine negizdelgen kópjaqty mehanızm qalyptastyrý.

Memleket basshysy óz sózinde Qazaqstan Táýelsizdik alǵannan bastap 30 jyl boıy áıelderdi qoldaýǵa baǵyttalǵan salıqaly saıasatty dáıekti túrde júrgizip kele jatqanyn atap ótti.

– 2030 jylǵa deıingi otbasy jáne genderlik saıasat tujyrymdamasyn basty negizge alǵan berik quqyqtyq baza qalyptastyrdyq. Ótken aıda adam quqyǵyna qatysty aldaǵy ýaqytta atqarylatyn sharalar týraly Jarlyqqa qol qoıdym. Onyń negizgi baǵyttarynyń biri – genderlik teńdikti qamtamasyz etý. Genderlik máseleni sheshý – óńirlik ólshem boıynsha elimizdiń syrtqy saıasattaǵy basymdyqtarynyń biri, – dedi Qasym-Jomart Toqaev.

Sonymen qatar Prezıdent Qazaqstannyń «Genderlik zorlyq-zombylyqqa qarsy is-qımyl koalıtsııasy» jáne «Ekonomıkalyq ádildik pen quqyq jónindegi is-qımyl koalıtsııasy» sııaqty eki seriktes birlestikke qosylatynyn málimdedi. Bul memlekettiń birqatar mindetteme qabyldaǵanyn bildiredi.

Atap aıtqanda áıelder men qyzdarǵa qatysty zorlyq-zombylyqtyń taralýy týraly jalpyulttyq zertteý jumysyn qolǵa alý jóninde sheshimin aıtty.

Memleket basshysy genderlik teńdik jáne zorlyq-zombylyqtyń aldyn alý boıynsha ozyq tájirıbemen bólisý úshin Ortalyq Azııada óńirlik bilim platformasyn qurý týraly bastama kóterdi.

Qasym-Jomart Toqaev BUU men Eýropalyq odaqtyń Ortalyq Azııa men Aýǵanstanǵa arnalǵan «Jaryq sáýlesi» óńirlik bastamasyna ınvestıtsııa salýǵa daıyn ekenin atap ótti.

Budan bólek Prezıdent áıel kásipkerlerdi qoldaý úshin elimizdiń barlyq óńirinde resýrstyq ortalyqtar qurý jospary týraly málimet berdi.

Memleket basshysy zańnamalyq deńgeıde qabyldanyp jatqan sharalar týraly aıta kelip, áıelder úshin tyıym salynǵan mamandyqtar tizimin qaıta qaraýǵa, sondaı-aq, áıelder men balalardy áleýmettik jáne quqyqtyq turǵydan qoldaýdy kúsheıtýge nıetti ekenin jetkizdi.

Qasym-Jomart Toqaev sóziniń sońynda áıelderdiń teńdigi men qaýipsizdigin qorǵaýǵa, olardyń quqyqtary men múmkindikterin keńeıtýge baǵyttalǵan ıgi isti elimizdiń tolyq qoldaıtynyn naqtylady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT