+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Asqar Mamın Jańǵyrtý jónindegi ulttyq komıssııa otyrysyn ótkizdi

2021 jylǵy 29 maýsym 17:06
Bólisińiz:
Asqar Mamın Jańǵyrtý jónindegi ulttyq komıssııa otyrysyn ótkizdi

NUR-SULTAN. QazAqparat -QR Premer-Mınıstri Asqar Mamın Jańǵyrtý jónindegi ulttyq komıssııa otyrysyn ótkizdi, dep habarlaıdy QazAqparat Úkimet basshysynyń resmı saıtyna silteme jasap.

QR Tuńǵysh Prezıdenti – Elbasy Nursultan Nazarbaevtyń Bes ınstıtýtsıonaldyq reformasyn iske asyrý jónindegi «100 naqty qadam» ult josparynyń jáne Memleket basshysy Qasym-Jomart Toqaevtyń 2020 jylǵy 1 qyrkúıektegi Qazaqstan halqyna arnaǵan joldaýynyń oryndalý barysy qaraldy.

Atqarylyp jatqan jumystar týraly Premer-Mınıstrdiń orynbasary – syrtqy ister mınıstri Muhtar Tileýberdi, ulttyq ekonomıka mınıstri Áset Erǵalıev, aýyl sharýashylyǵy mınıstri Saparhan Omarov, energetıka mınıstri Nurlan Noǵaev, qarjy mınıstri Erulan Jamaýbaev, bilim jáne ǵylym mınıstri Ashat Aımaǵambetov, ındýstrııa jáne ınfraqurylymdyq damý mınıstriniń birinshi orynbasary Qaıyrbek Óskenbaev, ekologııa, geologııa jáne tabıǵı resýrstar vıtse-mınıstri Ahmetjan Pirimqulov baıandady.

Qazirgi tańda Ult josparynyń 100 qadamynyń 72-si iske asyryldy: «Kásibı memlekettik apparatty qalyptastyrý» baǵyty boıynsha 15 qadamnyń 13-i, «Zań ústemdigin qamtamasyz etý» baǵyty boıynsha barlyq 19 qadam, «Indýstrııalandyrý jáne ekonomıkalyq ósim» boıynsha 50 qadamnyń 27-i, «Biregeılik jáne birlik» baǵyty boıynsha 6 qadamnyń 3-i, «Esep beretin memleketti qalyptastyrý» baǵyty boıynsha barlyq 10 qadam oryndaldy. Bıyl «Kásibı memlekettik apparatty qalyptastyrý» jáne «Indýstrııalandyrý men ekonomıkalyq ósim» baǵyttary boıynsha 9 qadamdy oryndaý kózdelgen. Otyrysta memlekettik qyzmetshilerge eńbekaqy tóleýdiń jańa júıesine kóshý, mektepte oqytý standarttaryn jańartý jáne fýnktsıonaldyq saýattylyqty damytý, ekonomıkanyń energııa tıimdiligin arttyrý, jer qoınaýyn paıdalaný salasynyń ashyqtyǵy men boljamdylyǵyn arttyrý, aýyl sharýashylyǵynda sý shyǵynyn azaıtý, sondaı-aq salyqtyq mindettemelerdi oryndaýdy, onyń ishinde tsıfrlandyrý arqyly jeńildetý máseleleri qaraldy. Jańa ınfraqurylymdyq jobalardy iske asyrý, servısti jetildirý jáne tranzıttik tasymaldar jyldamdyǵyn arttyrý arqyly kólik-tranzıttik sektordyń básekege qabilettiligin arttyrý jónindegi jumystardyń barysy talqylandy.

Premer-Mınıstr QR Tuńǵysh Prezıdenti – Elbasy Nursultan Nazarbaevtyń Bes ınstıtýtsıonaldyq reformasyn iske asyrý jónindegi «100 naqty qadam» ult josparyn jáne Memleket basshysy Qasym-Jomart Toqaevtyń 2020 jylǵy 1 qyrkúıektegi joldaýyn tolyq ári sapaly oryndaý boıynsha belsendi jumysty jalǵastyrýdy tapsyrdy.

Ekonomıkanyń basym sektorlaryndaǵy jańa iri jobalarǵa strategııalyq ınvestorlardy tartý, óńdeý sektory men eksporttyq áleýetti damytý, negizgi azyq-túlik taýarlary boıynsha ulttyq ekonomıkanyń jetkilikti bolýyn qamtamasyz etý jónindegi tarmaqtarǵa erekshe nazar aýdaryldy.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT