+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Internet arqyly saýda jasaǵan petropavldyq 1 mln teńgege jýyq aqshasynan aıyryldy

2021 jylǵy 24 maýsym 14:45
Bólisińiz:
Internet arqyly saýda jasaǵan petropavldyq 1 mln teńgege jýyq aqshasynan aıyryldy

PETROPAVL. QazAqparat – Petropavl turǵynyn ınternet arqyly 800 myń teńgege aldady degen kúdikpen 23 jastaǵy almatylyq ustaldy, dep habarlaıdy QazAqparat tilshisi.

Uqsas jańalyqtar
Telefonyńyzdy qarjy alaıaqtarynan qalaı qorǵaýǵa bolady Almatyda alaıaqtar jalǵa alynǵan qymbat páter men kólikterdi satyp otyrǵan Aqtóbede alaıaqtyq jasady degen kúdikpen apaly-sińlili áıelder ustaldy

Soltústik Qazaqstan oblysy polıtsııa departamenti baspasóz qyzmetiniń málimetinshe, bıyl sáýir aıynda Petropavl turǵyny polıtsııaǵa aryzdanyp, óziniń ınternet-alaıaqqa aldanǵanyn aıtqan.

Ol Instagram áleýmettik jelisindegi pablıkterdiń birinde habarlandyrýdy kórip, kóterme baǵamen balalar kıimin almaqshy bolady.

Áıel «satýshyǵa» 800 myńnan astam teńge aýdarady, keıin alaıaq baılanysqa shyqpaı qoıady.

Atalǵan fakti Sotqa deıingi tergep-tekserýdiń biryńǵaı tizilimine QR Qylmystyq kodeksiniń «Alaıaqtyq» baby boıynsha engizildi.

Jedel-izdestirý is-sharalary nátıjesinde tártip saqshylary qylmysqa Almaty oblysynyń 23 jastaǵy turǵynynyń qatysy baryn anyqtady.

Polıtseıler kúdiktini qyzmettik issapar barysynda ustady. Endi onyń basqa qylmystarǵa qatysy bar-joǵyn anyqtaý úshin materıaldar Almatyǵa jiberilmek.

«Adamdar ınternet arqyly zattardy satý jáne satyp alýda saq bola bastaǵanymen, aldyn ala tólem talap etýmen baılanysty alaıaqtyq áli kúnge deıin kezdesedi. Jelide usynylatyn taýar men qyzmetterdi tekserý, qosymsha foto, beıne materıaldardy talap etý qajettigin eskertemiz», - deıdi Petropavl qalalyq PB krımınaldyq polıtsııa bóliminiń bastyǵy Darhan Zııafıddın.

Polıtseılerdiń aıtýynsha, keń taralǵan alaıaqtyqtyń biri – «banktiń qaýipsizdik qyzmetinen» qońyraý shalý.

Adamdardy usynylǵan shotqa aqsha jiberýge nemese qupııasózderdi, bank kartasynyń syrt jaǵyndaǵy cvv-kodtaryn, esepshotqa qol jetkizýge múmkindik beretin basqa da qupııa aqparatty jiberýge kóndiredi.

«Taǵy bir tásil – qashyqtyqtan qol jetkizý qosymshasyn telefonǵa ornatý týraly usynys jasaý, bul qosymsha arqyly qylmyskerler uıaly telefonǵa, sáıkesinshe, barlyq shottarǵa qol jetkize alady. Bóten adamdardyń nusqaýymen belgisiz baǵdarlamalardy júktemeýge jáne paıdalanbaýǵa shaqyramyz. Sondaı-aq, kartanyń nómiri men cvv kod sııaqty qupııa málimetterdi talap etetin kúmándi siltemeler boıynsha ótpegen jón». , - deıdi Darhan Zııafıddın.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT