+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Fýtboldan Qazaqstan birinshiligi: «Tobyl» kósh bastady

2021 jylǵy 23 maýsym 23:20
Bólisińiz:
Fýtboldan Qazaqstan birinshiligi: «Tobyl» kósh bastady

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń on jetinshi týry máresine jetti, dep habarlaıdy QazAqparat tilshisi.

Uqsas jańalyqtar
Bokstan áskerıler arasyndaǵy ÁCh: Qazaqstandyqtar 3 «altyn» aldy Elorda mańynda atpen serýendeýge arnalǵan soqpaq jol salyndy Qurlyqtyq hokkeı lıgasy: «Barys» «Sıbırden» basym tústi

Keshe, 22 maýsymda atalǵan týrda elordada «Astana» Shymkenttiń «Ordabasy» klýbynan 0:2 esebimen jeńilse, odan keıin «Aqjaıyq» pen «Shahter», «Aqtóbe» men «Qyzyljar» 1:1 esebimen teń tústi.

Búgin, 23 maýsymda Taldyqorǵanda «Jetisý» men «Atyraý» komandalary kezdesti. Oıyn barysynda atyraýlyq klýb sapynan Petr Gjelchak 63-mınýtta esep ashsa, 75-mınýtta taldyqorǵandyq Artem Dmıtrıev tarazy basyn teńestirdi. Jeńis golyn 83-mınýtta «Atyraý» sapynan Braıan jeńis golyn soqty. Osylaısha munaıly qalanyń komandasy 2:1 esebimen basym tústi.

Al Almatyda «Qaırat» óz alańynda Aqtaýdyń «Kaspıı» komandasyn qabyldady. Oıynnyń 6-mınýtynda almatylyq Artýr Shýshenachev esep ashty. Odan keıin Vagner Lav 25, 71-mınýttarda qos goldyń avtory atansa, «Kaspıı» sapynan Rýslan Mıngazov esep aıyrmasyn qysqartty. Budan keıin «Qaırat» sapynan Kamo Oganesıan 83, Gýljıgıt Alyqulov 90-mınýttarda mergendik tanytyp, qorytyndy esepti belgiledi. Nátıjesinde almatylyq klýb qarsylasyn 5:1 esebimen tize búktirdi,

«Taraz» óz alańynda Túrkistannyń «Turan» komandasymen sheberlik baıqasty. Oıyn barysynda túrkistandyq Temirlan Ámirov 71-mınýtta esep ashsa, tarazdyq Jaqyp Qojamberdi 87-mınýtta tarazy basyn teńestirdi. Eki komanda 1:1 esebine qanaǵat bildirdi.

Atalǵan týrdy Qyzylordada jergilikti «Qaısar» men Qostanaıdyń «Tobyl» komandalary túıindedi. Bul oıynda aldymen qostanaılyq Sergeı Malyı 13-mınýtta esep ashsa, oǵan «Qaısar» sapynan Iovan Chadjenovıch 27-mınýtta bir golmen jaýap qaıyrdy. Ekinshi kezeńniń 63-mınýtynda Dmıtrıı Mıroshnıchenko qaıtadan «Tobyldy» alǵa shyǵardy. Al 74-mınýtta qostanaılyq klýbtan Roman Asrankýlov alań ıeleri qaqpasyna taǵy bir gol engizdi. Osylaısha «Tobyl» alań ıelerin 3:1 esebimen jeńip, týrnır kestesinde kósh basyna shyqty.

Endi 17-týr oıyndary 27 jáne 28 maýsym kúnderi ótkiziledi.


Bizdiń kanalymyzǵa jazylyńyz:

#Sport   #Qoǵam  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT