+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Turǵyndary Nur Otan-ǵa ótinish bildirgen aýyl jylý júıesine qosyldy - Túrkistan oblysy

2021 jylǵy 22 maýsym 11:47
Bólisińiz:
Turǵyndary Nur Otan-ǵa ótinish bildirgen aýyl jylý júıesine qosyldy - Túrkistan oblysy

TÚRKІSTAN. QazAqparat - «Nur Otan»-nyń baspasóz qyzmeti «Halyq únine qulaq asatyn memleket» tujyrymdamasyn iske asyrý aıasynda partııanyń azamattar aldynda bergen ýádelerin oryndaý boıynsha naqty atqarylǵan istermen bólisýdi jalǵastyrýda, dep habarlaıdy QazAqparat.

Uqsas jańalyqtar
Memleket basshysy Túrkistan oblysynyń ákimi Ómirzaq Shókeevti qabyldady Nur Otan daryndy balalardy qoldaý jumysyn kúsheıtedi – Baýyrjan Baıbek

Byltyr aqpan aıynda «Nur Otan» partııasy Tóraǵasynyń birinshi orynbasary Baýyrjan Baıbek Túrkistan oblysyna jumys sapary barysynda Otyrar aýdany Sháýildir aýylynyń turǵyndarymen kezdesken-di. Kezdesýde 300-den astam otbasy 70-80 jyldary salynǵan úılerde ınjenerlik ınfraqurylymnyń tozýyna baılanysty ortalyq jylýdyń joqtyǵyna shaǵymdanyp bolatyn.

«Elbasynyń bastamasymen qolǵa alynǵan «Aýyl – El besigi» jobasynyń aıasynda búginde elimizdiń shalǵaı aýdandarynyń túıitkildi máselelerin sheshý boıynsha partııa júıeli sharalar ázirleýde. Oblys ákiminiń aıtýynsha, jaqyn arada bıýdjetti naqtylaý kezinde jylý júıelerin salý úshin 700 mln. teńgeden astam qarjy bólinedi. Qazandyqtyń qurylysyna qarajat bólingen. Aýyl turǵyndary kótergen máseleni sheshý «Nur Otan» partııasynyń baqylaýyna alyndy», – dep atap ótken edi sol kezde Baýyrjan Baıbek.

Partııalyq baqylaý qorytyndysy boıynsha búginde Sháýildir aýylynda jylý júıelerin qaıta jańartý jumystary men qýaty 10450 kVt qazandyq qurylysy aıaqtaldy. Sonyń arqasynda 25 kóppáterli turǵyn úı, 45 bıýdjettik jáne 25 kásipkerlik nysan ortalyqtandyrylǵan jylý júıesine qosyldy.

Sondaı-aq, munda jalpy uzyndyǵy 650 m bolatyn 2 kóshege orta jóndeý, uzyndyǵy 870 m bolatyn 1 kóshege aǵymdaǵy jóndeý jumystary júrgizilip, paıdalanýǵa berildi.

Eske sala keteıik, buǵan deıin partııanyń baspasóz qyzmeti turǵyndardyń «Nur Otan»-ǵa ótinishinen keıin Shymkenttegi tutas bir shaǵyn aýdannyń ómiri qalaı ózgergeni týraly aıtqan bolatyn. Azat shaǵyn aýdanynda 4 jyldan astam ýaqyttan beri elektr, gaz jáne sýmen qamtamasyz etý máseleleri sheshilmeı kelgen edi.

«Partııa lıderi Nursultan Nazarbaev azamattardyń máselelerin sheshý, problemalar týraly ashyq aıtý jáne olardy jergilikti jerlerde sheshýge qol jetkizý boıynsha «Nur Otan» partııasynyń jumysyn jandandyrýdy tapsyrdy. Kóbinese aımaqtardyń tez ósýine baılanysty olarǵa laıyqty ınfraqurylym jasalyp úlgermeıdi. Degenmen, Memleket basshysy Qasym-Jomart Toqaevtyń ártúrli aýdandar turǵyndary arasyndaǵy teńsizdikti joıý týraly tapsyrmasy bar», - degen Baýyrjan Baıbek turǵyndarǵa máseleni partııalyq baqylaýda ustaýǵa ýáde bergen bolatyn.

Nátıjesinde, búginde shaǵyn aýdanda barlyq elektr jelileri júrgizildi. Uzyndyǵy 8,7 km ortalyq sý qubyry jelileriniń jáne 10 km gaz qubyrynyń qurylysy aıaqtaldy. Іshki joldarǵa asfalt tóseý jumystary júrgizilýde.

Maýsym aıynyń sońyna deıin abonentterdi ortalyq sý qubyryna qosýdy jáne aýyz sý berýdi qamtamasyz etý, 1 tamyzǵa deıin avtomatty gaz taratý stantsııasynyń qurylysyn aıaqtap, gaz berý, al 1 qyrkúıekke deıin ishki joldardyń asfalt jabynynyń ekinshi qabatyn salý josparlanýda.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT