+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Marshal Rokossovskıı dıvızııasynda batalon komandıri bolǵan qazaqty bilesiz be

2021 jylǵy 22 maýsym 11:08
Bólisińiz:
Marshal Rokossovskıı dıvızııasynda batalon komandıri bolǵan qazaqty bilesiz be

NUR-SULTAN. QazAqparat – Osydan dál 80 jyl buryn, 1941 jyldyń 22 maýsymynda fashıstik Germanııa Sovet Odaǵyna basyp kirdi. Dál osy kúni Ulybrıtanııanyń Premer-Mınıstri Ýınston Cherchıll fashıstik Germanııaǵa qarsy soǵysta Sovet Odaǵyna qoldaý kórsetetinin málimdedi. 1945 jylǵa deıin jalǵasqan Ekinshi dúnıejúzilik soǵysqa Qazaqstannan 1,2 mln-nan astam adam attandy. Aıta keterligi, Ekinshi dúnıejúzilik soǵysta erekshe qabiletimen kózge túsken áskerı qolbasshylardyń biri - Konstantın Konstantınovıch Rokossovskıı bolatyn. Ol - eki eldiń (1944 jyly Sovet Odaǵynyń, 1949 jyly Polshanyń) marshaly ataǵyn alǵan jalǵyz tulǵa. Al osy áıgili Rokossovskıı dıvızııasynda Jumamurat Erekeshov degen qazaq batalon komandıri bolǵanyn kópshilik bile bermeıdi. QazAqparat tilshisi oqyrmannyń nazaryn osy máselege aýdartyp, azyraq zertteýin usynady.

Uqsas jańalyqtar

Ekinshi dúnıejúzilik soǵystyń tarıhy tolyq zerttelmegen. Kópshilik bile bermeıtin halqymyzdyń batyr perzentteri áli de barshylyq.

Bálkim Jumamurat Erekeshovtiń tanymal emestiginiń basty sebebi – Qazaqstannan tys elde ómir súrgeninde bolar.

Jumamurat Erekeshov 1914 jyly Syr boıynda, Qazaly ýezinde dúnıege kelgen. Ata-anasy dinı saýatty bolǵandyqtan, ony da jastaıynan aýyl moldasyna oqytady.

1930-1933 jylardaǵy asharshylyq kezinde otbasymen birge Qaraqalpaq jerine aýyp, Tórtkúl aýdanyna qonystanady.

1942 jyly Tórtkúl aýdandyq áskerı komıssarıatynan soǵysqa attanady. Qysqa merzimdi daıyndyqtan ótken soń Stalıngrad maıdanyndaǵy soǵystyń aldyńǵy shebindegi atqyshtar brıgadasynyń quramynda soǵysqa qatysqan.

Jaýyngerlik tapsyrmalardy múltiksiz oryndaǵany úshin basshylyq kózine túsip, áskerı sheni ósýmen birge erligi úshin marapattalyp otyrǵan. Jylǵa jetpeı-aq partııa qataryna qabyldanyp, saıası jetekshi (polıtrýk) bolady.

1944 jyly «GOEP 204 A» áskerı bóliminiń basshysy podpolkovnık Mejevıch qol qoıǵan marapattaý paraqshasynda II dárejeli «Otan soǵysy», «Qyzyl juldyz» ordenderi jáne «Erligi úshin» medalimen marapattalǵan.

Konstantın Rokossovkıı Ortalyq (02-10.1943), Belorýs (10.1943-02.1944), 1-Belorýs (02-11.1944), 2-Belorýs (11.1944-05.1945) maıdandarynda korpýs basqarǵany tarıhtan belgili.

Jumamurat Erekeshov soǵysqa Stalıngrad maıdanynda kirisip, osy dańqty qolbasshy Sovet Odaǵynyń eki dúrkin batyry, marshal Konstantın Rokossovskıı basqarǵan dıvızııa quramynda batalon komandıri laýazymynda Berlınde aıaqtaǵan.

Aǵa leıtenant Jumamurat Erekeshov elge 1945 jyldyń qazan aıynda oralǵan. Soǵystan kelgen soń Jaqsybıke Tólegenqyzy esimdi arýǵa úılenip, 3 ul, 2 qyzdy bolǵan.

Birneshe jyl orta mektepte alǵashqy áskerı daıyndyq páninen sabaq beredi. Aýdandyq partııa komıtetinde istedi. 1952 jyly QQASSR Din isteri mınıstri bolyp taǵaıyndalyp, zeınetke shyqqansha osy laýazymdy atqarǵan.

Ol Din isteri mınıstri bolǵan kezde Qaraqalpaqstandaǵy Sultan Ýáıis baba, Narymjan baba, Nurpeıis baba sııaqty kóptegen úlken qorymdarǵa jaýapty dinı qyzmetkerlerdi taǵaıyndap otyrǵan.

Ol dinı qyzmetkerler shyraqshynyń qyzmetin atqaryp, qorymnyń jaı-kúıine qarap, zııarattap kelýshilerdiń ata-babalarynyń rýhyna quran oqýmen aınalysqan.

Soǵys jáne eńbek ardageri Jumamurat Erekeshov 1982 ómirden ozdy. Qaraqalpaqstan Respýblıkasy Berýnı aýdanyndaǵy Sultan Ýáıis baba qorymyna jerlengen.


Joǵaryda arhıv fotosy: Oń jaqtan birinshi Rokossovskıı, onyń artynda turǵan J. Erekeshov


Bizdiń kanalymyzǵa jazylyńyz:

Bólisińiz:

Avtor:

Begabat Uzaqov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT