+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Fýtboldan Eýropa chempıonaty: Nıderlandy men Avstrııa jarystyń kelesi satysyna shyqty

2021 jylǵy 22 maýsym 00:01
Bólisińiz:
Fýtboldan Eýropa chempıonaty: Nıderlandy men Avstrııa jarystyń kelesi satysyna shyqty

NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńinde S tobynda 1/8 fınalǵa shyqqan quramalar anyqtaldy, dep habarlaıdy QazAqparat tilshisi.

Uqsas jańalyqtar
Fýtboldan Qazaqstan kýbogy:  Jartylaı fınalǵa shyqqan ekinshi komanda anyqtaldy Fýtboldan Qazaqstan kýbogy: «Astana» jartylaı fınalǵa shyqty Fýtboldan Qazaqstan kýbogynyń shırek fınal oıyndary ótedi

Atalǵan toptaǵy eki oıyn da bir ýaqytta bastaldy. Nátıjesinde 1/8 fınalǵa shyqqan quramalar belgili boldy.

Alǵashqy kezdesýde Nıderlandy men Soltústik Makedonııa sheberlik baıqasty. Olardyń týrnır kestesindegi jaǵdaıy túrlishe bolatyn. Nıderlandy alǵashqy eki týrda upaıdan shashaý shyǵarmaı, birinshi orynǵa jaıǵasty.

Al Soltústik Makedonııa eki oıynda da qarsylastaryna ese jiberip, týrnır kestesinde sońǵy oryndy mise tutty.

Búgingi kezdesýde Nıderlandy qarsylasynan basymyraq oınady. Nátıjesinde 24-mınýtta Memfıs Depaı mergendigimen kózge tústi. Al Jorjıno Veınaldým 51, 58-mınýttarda esepti eseledi.

Osylaısha Nıderlandy Avstrııany 3:0 esebimen jeńip, óz tobynda birinshi oryn aldy. Endi olar 1/8 fınalda baq synaıdy.

Aıta keterligi, Avstrııa atalǵan qarsylasynan 1990 jyldan beri basym túse almaı keledi. Sodan beri jeti oıynda da nıderlandylyq quramanyń aıy ońynan týyp tur.

Búgin atalǵan toptaǵy taǵy bir kezdesýde Ýkraına men Avstrııa jasyl alańǵa shyqty. Úsh upaı jınaǵan eki quramanyń týrnır kestesindegi jaǵdaıy birdeı bolatyn. Sondyqtan jeńiske jetken qurama jarystyń kelesi satysyna birden joldama alatyn.

Oıyn barysynda birinshi kezeńde avstrııalyq fýtbolshylardyń gol soǵatyn birneshe múmkindigi týdy. Sol sátterdiń birinde Krıstof Baýmgartner 21-mınýtta óziniń yńǵaıyna kelgen dopty qaqpa torynda týlatty.

Kezdesýde Avstrııa qarsylasyn 1:0 esebimen basym túsip, jarysty jalǵastyrýǵa múmkindik aldy.

Quramalar buǵan deıin eki márte joldastyq kezdesýde kúsh synasyp, bir-birden jeńiske jetti.

Eske salsaq, búgin V tobynda Reseı men Danııa, Fınlıandııa men Belgııa quramalary oınaıdy. Kezdesý elorda ýaqytymen 00.50-de bastalady.

Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT