+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Oralda basynan aýyr jaraqat alǵan er adam kóz jumdy

2021 jylǵy 21 maýsym 21:32
Bólisińiz:
Oralda basynan aýyr jaraqat alǵan er adam kóz jumdy

ORAL. QazAqparat - Oralda basynan aýyr jaraqat alǵan er adam jedel járdem kóliginde kóz jumdy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, oqıǵa 19 maýsym kúni túsqaıta Sholohov pen Tsıolkovskıı kósheleriniń qıylysynda boldy.

Buryn bir-birin tanymaıtyn 20 jáne 46 jastaǵy turǵyn sózge kelgen. Saldarynan tóbeles bolyp, 20 jastaǵy jigit urǵan kezde er adam jerge qulap, jabyq bas-mı jaraqatyn alǵan.

46 jastaǵy er adam esin jımastan, qalalyq kópbeıindi aýrýhanaǵa apara jatqan jolda jedel járdem kóliginde qaıtys boldy.

Múrde sot-medıtsınalyq saraptamaǵa jiberildi.

Kúdikti Báıterek aýdanynda turady.

Qazirgi kezde QR QK 106-baby 3-bóligine (qasaqana aýyr dene jaraqatyn salý) sáıkes sotqa deıingi tergeý amaldary júrgizilýde.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 15.25-te shaqyrtylyp, brıgada bes mınýttan keıin jetti. Er adam Sholohov kóshesi boıyndaǵy «Gýrman» kafesi janynda qulap jatqan. Jabyq bas-mı jaraqatyn alyp, komaǵa túsken ol aýrýhanaǵa jetpeı, qaıtqan.

Eske sala keteıik, budan buryn BQO-da avtokólik aýdarylyp, júrgizýshi qaza tapqanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT