+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Fýtboldan eýropa chempıonaty: Shveıtsarııa Túrkııadan basym tústi

2021 jylǵy 20 maýsym 23:58
Bólisińiz:
Fýtboldan eýropa chempıonaty: Shveıtsarııa Túrkııadan basym tústi

NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńi úshinshi týrynda Shveıtsarııa men Túrkııa kezdesti, dep habarlaıdy QazAqparat tilshisi.

Uqsas jańalyqtar
Fýtboldan Qazaqstan kýbogy:  Jartylaı fınalǵa shyqqan ekinshi komanda anyqtaldy Fýtboldan Qazaqstan kýbogy: «Astana» jartylaı fınalǵa shyqty Fýtboldan Qazaqstan kýbogynyń shırek fınal oıyndary ótedi

Eske salsaq, atalǵan eki qurama A tobynda synǵa túsedi. Qarsylastary – Italııa men Ýels.

Alǵashqy týrda Shveıtsarııa quramasy Ýelspen 1:1 esebimen teń tússe, ekinshi týrda Italııaǵa 0:3 esebimen ese jiberdi.

Al Túrkııa Italııadan 0:3, Ýelsten 0:2 esebimen jeńilip qaldy.

Shveıtsarııa men Túrkııa buǵan deıin 17 márte kezdesti. Onyń 5-eýinde shveıtsarııalyqtar jeńiske jetip, 9-ynda túrkııalyqtar basym tússe, qalǵanynda teń nátıje tirkeldi

Búgingi oıynda shveıtsarııalyqtar birden alǵa umtyldy. Olardyń belsendiligi kózge kórinip turdy. Oıynnyń 6-mınýtynda Harıs Seferovıch esep ashsa, 26-mınýtta Sherdan Shakırı Shveıtsarııanyń basymdyǵyn arttyrdy.

Túrkııalyq Irfan Kahvedjı 62-mınýtta mergendigimen kózge túsip, esep aıyrmasyn qysqartty. Sherdan Shakırı 68-mınýtta taǵy bir márte kózge tústi.

Kezdesýde Shveıtsarııa qarsylasyn 3:1 esebimen basym tústi. Osylaısha jarystyń kelesi satysyna joldama aldy.

Endi 1/8 fınal oıyndary 26-29 maýsym kúnderi ótkiziledi.

Oıyndar dúbirli doda tarıhynda tuńǵysh ret Eýropanyń 10 memleketinde ornalasqan 11 stadıonda ótýde. Bul Eýropa chempıonatynyń 60 jyldyq mereıtoıyna oraı uıymdastyrylǵan.

Fýtboldan Eýropa chempıonaty 11 maýsymda bastaldy, 11 shildede máresine jetedi.



Bizdiń kanalymyzǵa jazylyńyz:

#Sport   #Álem  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT