+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstanda áleýmettik kásipkerlikke qandaı qoldaý kórsetilip jatyr

2021 jylǵy 18 maýsym 17:20
Bólisińiz:
Qazaqstanda áleýmettik kásipkerlikke qandaı qoldaý kórsetilip jatyr

NUR-SULTAN. QazAqparat – Bul másele Taraz qalasynda onlaın rejımde ótip jatqan «Áleýmettik kásipkerlik: qoǵam men bıznes úshin jańa múmkindikter» atty halyqaralyq forýmda talqylandy.

Uqsas jańalyqtar
Qyzylordada belsendi halyqtyń úshten biri kásipkerlikpen aınalysýda Jyl basynan beri kópbalaly otbasylar 210,2 mlrd teńge járdemaqy aldy Qazaqstanda múgedekterdiń áleýmettik jaǵdaıy qalaı jaqsartylmaq

QR Eńbek jáne halyqty áleýmettik qorǵaý mınıstrligi (budan ári – Eńbekmıni) Jambyl oblysynyń ákimdigimen birlesip uıymdastyrǵan is-sharaǵa memlekettik organdardyń ókilderi, QR Parlamentiniń depýtattary, «Atameken» UKP, Áleýmettik kásipkerlik salasyndaǵy qazaqstandyq jáne halyqaralyq ǵylymı qoǵamdastyqtyń ókilderi, Reseı, Izraıl, Qyrǵyzstan, Tájikstan jáne t.b. sarapshylar qatysty.

Jıynda QR Eńbek jáne halyqty áleýmettik qorǵaý mınıstri Serik Shápkenov sóz sóıledi. Mınıstr óz sózinde memleket resýrstarynyń shekteýliligi jaǵdaıynda áleýmettik kásipkerlik áleýmettik máselelerdi sheshýdiń eń tıimdi álemdik tásilderdiń biri bolyp tabylatynyn atap ótti.

«Halyqaralyq tájirıbede áleýmettik kásipkerlik kásiporyn ıeleri úshin paıdany kóbeıtý tásili retinde emes, belgili bir áleýmettik máseleni sheshý nemese qoǵamǵa paıda berý maqsatynda qyzmetter kórsetý nemese taýarlar óndirý retinde túsindiriledi. Sondaı-aq, múmkindigi shekteýli adamdar iske qosqan bıznes nemese erekshe qajettilikteri bar adamdardy jáne halyqtyń áleýmettik osal toptarynyń ókilderin jumys oryndarymen qamtamasyz etetin kásipkerler áleýmettik kásipkerlik bolyp tabylady», – dedi Serik Shápkenov.

Mınıstrdiń aıtýynsha, áleýmettik kásipkerlik damyǵan elderde (Ulybrıtanııa, AQSh jáne Ońtústik Koreıa) áleýmettik kásipkerlik boıynsha jumys istep turǵan kóptegen damý ınstıtýttary bar, úkimettik emes uıymdar men áleýmettik kásipkerler kóp, qarjylyq jáne qarjylyq emes qoldaý sharalary turaqty negizde kórsetiledi.

Áleýmettik kásipkerlik qalyptasý satysynda turǵan elderde (Kolýmbııa, Egıpet, Úndistan) qoldaý sharalary turaqty negizde kórsetilmeıdi, damý ınstıtýttary men áleýmettik kásipkerlerdiń bolmaýy ne bolmashy sany baıqalady.

«Qazaqstanda áleýmettik kásipkerlikti qoldaý úshin salyq zańnamasynda birqatar yntalandyrýshy sharalary qarastyrylǵan. Mysaly, múgedektigi bar qyzmetkerler sany 51%-dy quraıtyn uıymdar korporatıvtik tabys, áleýmettik jáne jer salyǵynan bosatylǵan, múlik salyǵyn esepteý kezinde jeńildikterge ıe», – dep habarlady Serik Shápkenov.

Sonymen qatar, barlyq salyq tóleýshiler, tipti áleýmettik kásipkerler emes adamdar úshin kelesi jeńildikter qarastyrylǵan:

- múlikti qaıtarymsyz (kommertsııalyq emes jáne áleýmettik uıymdarǵa) bergen nemese qaıyrymdylyq kómek kórsetken kezde qunǵa salyq salynatyn tabystyń mólsheri 4% - ǵa deıin tómendetiledi;

- múgedektigi bar adamdarǵa tólengen eńbekaqyǵa salyqtyq mólsherleme 2 eselengen mólsherge jáne múgedektigi bar adamdarǵa tólengen eńbekaqy jáne basqa da tólemderden áleýmettik salyq somasynan 50% - ǵa tómendetildi;

- múgedektigi bar adamdar jeke tabys salyǵyn tóleýden bosatyldy (kúntizbelik jyl úshin 882 eselengen AEK nemese 2,4 mln teńge sheginde).

Budan basqa, «Memlekettik satyp alý týraly» Zańǵa sáıkes taýarlardyń, jumystardyń, kórsetiletin qyzmetterdiń jekelegen túrleri olardy jumyspen qamtý maqsatynda múgedek adamdardyń uıymdarynan ǵana satyp alynady.

«Búginde áleýmettik kásipkerlikti damytý maqsatynda Qazaqstanda áleýmettik kásipkerlik mádenıetin ilgeriletýge nazar aýdarý mańyzdy. Ótken aptada Parlament Senatynyń depýtattary Áleýmettik kásipkerlik máseleleri boıynsha zań qabyldady. Bul áleýmettik kásipkerlikti damytýdyń naqty anyqtamasy men baǵytyn qalyptastyrýǵa, qandaı da bir kásiporyndy áleýmettik kásipkerlik sýbektisine jatqyzý krıterıılerin aıqyndaýǵa, memlekettik qoldaý sharalaryn júıeleýge múmkindik beredi», – dep atap ótti mınıstr.

Óz sóziniń sońynda Serik Shápkenov Taraz qalasynda ótip jatqan forým áleýmettik kásipkerlikti damytýdaǵy jáne memleket pen kásipkerler arasyndaǵy yntymaqtastyqty nyǵaıtýdaǵy mańyzdy qadam bolatynyna senim bildirdi, sondaı-aq is-sharaǵa qatysýshylardan zańnamaǵa engizilgen ózgeristerdi eskere otyryp, túrli alańdarda áleýmettik kásipkerlik máselesin belsendi ilgeriletýdi surady.

Eki kúndik forým aıasynda 3 paneldik sessııa ótedi: «Álemdegi áleýmettik kásipkerlikti damytý. Damý úrdisteri», «Qazaqstan Respýblıkasyndaǵy áleýmettik kásipkerlikti qoldaý tetikteri», «Halyqaralyq tájirıbe. Paıdaly laıfhaktar men quraldar» atty semınar, sondaı-aq áleýmettik kásipkerlikti damytý boıynsha master-klastar ótkizildi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT