+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

20 maýsym. Týǵan kún ıeleri

2021 jylǵy 20 maýsym 08:10
Bólisińiz:
20 maýsym. Týǵan kún ıeleri

NUR-SULTAN. QazAqparat - Búgin, ıaǵnı 20 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

Uqsas jańalyqtar
15 qyrkúıek. QazAqparat kúntizbesi

ESІMDER

75 jyl buryn (1946-2019) Keńes Odaǵynda bokstan Halyqaralyq dárejedegi sport sheberi atanǵan tuńǵysh qazaqstandyq boksshy, KSRO-nyń eki dúrkin chempıony, bokstan Amerıka, Eýropa, Afrıka elderinde ótken halyqaralyq jarystardyń jeńimpazy,jattyqtyrýshy, kınoakter Ábdirashıt ÁBDІRAHMANOV dúnıege keldi.

Almaty qalasynda týǵan. Qazaq memlekettik ınstıtýtyn bitirgen. 1969 jyly KSRO kýbogyn jeńip aldy. 1970-1971 jyldary jartylaı orta salmaqta KSRO chempıony atandy. Kóptegen halyqaralyq týrnırlerdiń jeńimpazy.

Sporttyq mansabyn aıaqtaǵannan keıin Ábdirahmanov boksshylardy jattyqtyra bastady. Onyń shákirtteriniń qatarynda álem chempıondary Orzýbek Nazarov pen Andreı Kýrnıavka bar. Qazaqstan Respýblıkasynyń shyǵys jekpe-jeginiń damýyna zor úles qosty. Ol jekpe-jektiń kóptegen túrlerinen, atap aıtqanda boks, ýshý-sanda, kıkboksıng,taı-bokstan sportshylardy daıynday. QR Prezıdenti kúzetiniń arnaıy batalonyn daıyndaýmen aınalysty. Alaıda, jattyqtyrýshylyq qyzmetten bas tartyp, akterlik ónerge bet burdy. 1969 jyly ataqty boksshy belgili qazaqstandyq rejısser Sháken Aımanovtyń kózine túsedi. Ony «Aq sharshy» fılmindegi boksshynyń róline shaqyrady. Basty róldi Ábdirashıt somdaǵan Shyńǵys Aıtmatovtyń «Borandy beket» romany boıynsha túsirilgen fılm 1996 jyly Berlın festıvalinde álemdik kıno ónerine qosqan úlesi úshin «Altyn kamera» júldesin ıelendi.

69 jyl buryn (1952) Qazaqstannyń memleket jáne saıası qaıratkeri, Qazaqstan Respýblıkasy QHA akademıgi, Halyqaralyq aqparattandyrý akadamııasynyń akademıgi Jumataı Álıuly ÁLIEV dúnıege keldi.

Jambyl oblysynda dúnıege kelgen. Lenıngrad memlekettik ýnıversıtetin, Almaty halyq sharýashylyǵy ınstıtýtyn támamdaǵan, fılosof, ekonomıst. Fılosofııa ǵylymynyń doktory, professor.

Ýnıversıtetti bitirgennen keıin Almaty memlekettik dárigerler ınstıtýtynda muǵalim bolyp eńbek etken. 1977-1982 jyldary - QLKJO Almaty qalalyq komıtetiniń nusqaýshysy, QLKJO Frýnze aýdandyq komıtetiniń ekinshi hatshysy, QKP Alataý aýdandyq partııa komıtetiniń nusqaýshysy qyzmetterin atqarǵan. 1982-1983 jyldary - Almaty qalalyq sút zaýytynda aǵa tehnolog-ınjener, bas ınjenerdiń orynbasary. 1983-1997 jyldary - Almaty sáýlet jáne qurylys ınstıtýtynda aǵa muǵalim, Almaty mal dárigerlik ınstıtýtynyń áleýmettik-ekonomıka pánderi kafedrasynyń meńgerýshisi, QazMAÝ gýmanıtarlyq daıarlaý ortalyǵy basshysy. 1997-2001 jyldary - Ortalyq-Azııa ýnıversıtetiniń rektory, prezıdenti. 2001-2008 jyldary - Qazaqstan Respýblıkasy Prezıdenti Ákimshiliginiń Qazaqstan halyqtary Assambleıasy hatshylyǵynyń meńgerýshisi, Qazaqstan halqy Assambleıasy tóraǵasynyń orynbasary. 2008-2012 jyldary - Ortalyq Azııa ýnıversıtetiniń qamqorshy keńesiniń tóraǵasy, professor, «Turaqty Qazaqstan» qoǵamdyq qorynyń basshysy. 2012-2016 jyldary - Qazaqstan Respýblıkasy Parlamenti Májlisiniń depýtaty boldy.

III, II dárejeli «Barys» ordenderiniń ıegeri.

49 jyl buryn (1972) Qazaqstan Respýblıkasy Syrtqy ister mınıstriniń birinshi orynbasary Shahrat Shákizatuly NURYShEV dúnıege keldi.

Almaty qalasynda týǵan. Beıjiń lıngvıstıkalyq ýnıversıtetiniń qytaı fılologııasy fakýltetin, Ál-Farabı atyndaǵy Qazaq ulttyq ýnıversıtetiniń shyǵystaný fakýltetin bitirgen.

1996 jyldan - QR SІM Azııa basqarmasynyń referenti. 1997 jyldan - QR SІM Úrimji qalasyndaǵy attashesi, Tólqujat-vıza qyzmetiniń úshinshi hatshysy. 1999 jyldan QR-nyń Qytaı Halyq Respýblıkasyndaǵy elshiliginiń ekinshi, birinshi hatshysy. 2004 jyldan - QR SІM Azııa jáne Afrıka departamentinde bólim bastyǵy, basqarma bastyǵy. 2005 jyldan - QR-nyń QHR-daǵy elshiliginde keńesshi, QR-nyń Shanhaı yntymaqtastyq uıymy hatshylyǵy janyndaǵy QR turaqty ókili. 2007 jyldan - QR-nyń QHR-daǵy elshiliginiń keńesshi-elshisi. 2009 jyldan - QR Úkimetiniń Aýǵanstan Islam Respýblıkasymen yntymaqtastyǵy máseleleri jónindegi arnaıy ókili. Dıplomatııalyq sheni - ІІ klasty keńesshi. 2008-2015 jyldary - QR-nyń Shanhaı yntymaqtastyq uıymy máseleleri boıynsha ulttyq úılestirýshisi. 2015-2019 jyldary – Qazaqstan Respýblıkasynyń Qytaı Halyq Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Koreı Halyq-Demokratııalyq Respýblıkasyndaǵy Tótenshe jáne Ókiletti Elshisi qyzmetin qosa atqarýshy.

Qazirgi qyzmetinde 2019 jyldyń qazan aıynan bastap.

39 jyl buryn (1982) «Qazaqstan Respýblıkasynyń Tuńǵysh Prezıenti –

Elbasy kitaphanasy» MM dırektorynyń orynbasary Tımýr Tólegenuly ShAIMERGENOV dúnıege kelgen.

Jambyl oblysynda týǵan. Almaty qalasyndaǵy Halyqaralyq mamandyqtar ınstıtýtyn (2004) bitirgen; Garvard, Oksford, Kembrıdj, Pensılvanııa, Kolýmbııa ýnıversıtetterinde basshylyq quram úshin oqý baǵdarlamalarynan ótken (2009-2017).

Eńbek joly: ál-Farabı atyndaǵy Qazaq Ulttyq ýnıversıtetiniń Halyqaralyq mádenı jáne bilim yntymaqtastyǵy qyzmetiniń aǵylshyn tili boıynsha aýdarmashysy (2004-2005); Qazaqstan Respýblıkasy Prezıdentiniń janyndaǵy Qazaqstan Strategııalyq zertteýler ınstıtýtynyń syrtqy saıası zertteýler bóliminiń ǵylymı qyzmetkeri (2005-2006); Qazaqstan Respýblıkasy Parlamenti Májilisiniń tóraǵasy orynbasarynyń kómekshisi (2006-2010); QR Prezıdenti Ákimshiligi Qaýipsizdik Keńesiniń analıtıkalyq bóliminiń konsýltanty (2010-2011); Qazaqstan Respýblıkasy Prezıdenti Ákimshiligi Qaýipsizdik Keńesiniń sıtýatsııalyq ortalyǵynyń analıtıkalyq sektorynyń meńgerýshisi (2011-2014); «Qazaqstan Respýblıkasynyń Tuńǵysh Prezıdenti - Elbasy kitaphanasy» MM dırektorynyń orynbasary (2014-2018). Qazaqstan Respýblıkasynyń qorǵanys jáne aeroǵarysh ónerkásibi vıtse-mınıstri (2018-2019); Qazaqstan Respýblıkasy Syrtqy ister mınıstrligi Halyqaralyq aqparat komıtetiniń tóraǵasy (2019-2020); QR SІM erekshe tapsyrmalar jónindegi elshisi (2020 jyldan bastap).

«Qazaqstan Konstıtýtsııasyna 20 jyl» (2015), «Qazaqstan halqy Assambleıasyna 20 jyl», «Qazaqstan Respýblıkasy Táýelsizdigine 25 jyl» (2016), «Qazaqstan Respýblıkasy Dıplomatııalyq qyzmetine 25 jyl» (2017), «Qazaqstan Respýblıkasy Ulttyq qaýipsizdik komıtetine 25 jyl» (2017) mereıtoılyq medaldarmen marapattalǵan.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT