+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Tennıs: Elena Rybakına Berlın týrnıriniń shırek fınalyna óte almady

2021 jylǵy 17 maýsym 20:48
Bólisińiz:
Tennıs: Elena Rybakına Berlın týrnıriniń shırek fınalyna óte almady

NUR-SULTAN. QazAqparat – Qazaqstannyń birinshi, álemniń 21-raketkasy Elena Rybakına Berlın WTA 500 týrnıriniń shırek fınalyna shyǵa almady, dep habarlaıdy QazAqparat tilshisi.

Dál búgin 22-ge tolǵan qazaqstandyq tennısshi ekinshi aınalymda álemniń 13-inshi, osy jarystyń 6-raketkasy, «Úlken dýlyǵa» týrnıriniń eki márte chempıony, ıspanııalyq Garbıne Mýgýrýsamen kezdesti.

Birinshi partııada esep 2:2 bolǵan mezette ıspanııalyq sportshy breık jasap ketti. Qazaqstandyq tennısshi tarazy basyn teńestirgenimen, sol qarqynyn jalǵastyra almady.

Taǵy bir breık jasaǵan G.Mýgýrýsa setti óz paıdasyna aıaqtady – 6:4.

Ispanııalyq tennısshi ekinshi sette de breıkpen alǵa shyqty – 3:2. Sodan keıin matchty taǵy bir breıkpen túıindedi – 6:3.

Bir saǵat 43 mınýtqa sozylǵan báseke barysynda G.Mýgýrýsa 4 breık-poınttyń úsheýin paıdalandy. Kerisinshe E.Rybakına 7 breık-poınttyń bireýin ǵana óz esebine jaza aldy.

Elena 10 eıs jasasa, qarsylasy munymen maqtana alǵan joq.

G.Mýgýrýsa jartylaı fınalǵa shyǵý úshin frantsııalyq Alıze Kornemen talasady.

Eske sala keteıik, budan buryn Zara Dárkenniń Ýkraınadaǵy týrnırdiń jartylaı fınalyna shyqqanyn jazǵan bolatynbyz.


Bizdiń kanalymyzǵa jazylyńyz:

#Sport  
Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT