+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Bıyl Jambylda 461 túlek «Altyn belgi» ıegeri atandy

2021 jylǵy 17 maýsym 22:08
Bólisińiz:
Bıyl Jambylda 461 túlek «Altyn belgi» ıegeri atandy

TARAZ. QazAqparat – Jalpy bıylǵy oqý jylyn oblystaǵy 238 myńnan astam oqýshy aıaqtady, dep habarlaıdy QazAqparat tilshisi.

Olardyń 11 myńnan astamy — 11 synyp túlekteri bolsa, 20 myńǵa jýyǵy — 9 synyp oqýshylary.

Onyń ishinde 461 túlek «Altyn belgige» jáne 538 túlek úzdik attestat aldy.

Bul týraly ÓKQ alańynda oblystyq bilim basqarmasy basshysynyń orynbasary Jámıla Bekbatyrova aıtyp berdi.

«Halyqaralyq, respýblıkalyq olımpıadalar men ǵylymı jarystarǵa qatysqan 188 oqýshynyń 107-si júldeger atanǵan. TIMSS halyqaralyq zertteýiniń qortyndysy boıynsha 4, 8 synyp oqýshylary respýblıka boıynsha joǵarǵy kórsetkishpen І oryndy ıelendi. Bıylǵy jyly olımpıadanyń respýblıkalyq kezeńine oblystan 79 oqýshy qatysyp, 35 oqýshy júldeli oryndarǵa ıe boldy. Onyń 8-i altyn, 12-i kúmis jáne 15-i qola medal ıegeri. Sondaı-aq, oblys oqýshylarynan quralǵan komanda «Eń úzdik olımpıadalyq komanda» atanyp, úzdikter qatarynan kórindi. Aıta ketý kerek, oblys oqýshylary bul mártebeni 12 jyl qatarynan ıelenip keledi»,- dedi J.Bekbatyrova.

Bıyl 19 mekteptiń qurylysy júrgizilip, 4 mektepke qosymsha ǵımarat salynýda. 14 mektep kúrdeli jóndeýden ótedi.

Jyl sońyna deıin 8 mektep pen 3 mektepke qosymsha ǵımarat paıdalanýǵa beriledi dep josparlanǵan.

Oqý úlgerimi nasharlaǵan oqýshylar úshin 26 mamyrdan 19 maýsymǵa deıin oblystaǵy barlyq bilim mekemelerinde jazǵy mektep uıymdastyryldy.

Onda úlgerimi tómen oqýshylarǵa nazar aýdarylady. Mektepke kez kelgen oqýshy erikti túrde kelip, bilimin arttyra alady.

Bul qyzmet túri qosymsha qarjylandyrýdy qajet etpeıdi. Al jazǵy demalysqa ustazdar 19 maýsymnan keıin shyǵa alady.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT