+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Almatyda kólikten shyǵatyn zııandy zattardyń kólemi 10 myń tonnaǵa azaıdy

2021 jylǵy 16 maýsym 19:55
Bólisińiz:
Almatyda kólikten shyǵatyn zııandy zattardyń kólemi 10 myń tonnaǵa azaıdy

ALMATY. QazAqparat - Almatyda kólikterden shyǵatyn shyǵaryndy kólemi 10 myń tonnaǵa azaıdy. Bul týraly Baqytjan Saǵyntaev «Almaty» telarnasyndaǵy Akimat LIVE baǵdarlamasynyń tikeleı efırinde málim etti, dep habarlaıdy QazAqparat tilshisi.

Uqsas jańalyqtar
Almatyny shańdy daýyl basty Prezıdent BUU sammıtinde Qazaqstannyń qurǵaq klımattyń áserimen betpe-bet kelip otyrǵanyn aıtty Búgin Qostanaı qalasynda aýa sapasy nasharlaıdy

Ákimniń aıtýynsha, ótken jyly shyǵaryndy azaıdy - 122 myń tonna, bul 2019 jylmen salystyrǵanda 3 tonnaǵa az. Avtokólikten shyǵatyn shyǵaryndylar 10 myń tonnaǵa tómendedi. Al statsıonarlyq kózderden shyǵatyndar kerisinshe 7 myń tonnaǵa ósti.

«Qaladaǵy jeke turǵyn úılerdi gazǵa kóshirý jalǵasýda. Almatynyń úıleriniń 99%-y qazirdiń ózinde gazǵa qosylǵan. Ákimdik muqtaj otbasylardy qoldaý baǵdarlamasyn iske asyrýda. 2020 jyly 92 úı gazǵa tegin qosyldy»,- deıdi ákim.

Sonymen qatar, ol dızelmen jáne benzınmen júretin qoǵamdyq kólikti satyp alýǵa tyıym salý oń yqpal etkenin tilge tıek etti. Qoldanystaǵy barlyq kelisimsharttar tek gazben júretin avtobýstardy jetkizýge baǵyttalǵan.

«Qoǵamdyq kólik júıesinde 2441 avtobýs jumys isteıdi, onyń ishinde 1715 avtobýs (75%) dızeldi otynmen júredi. 2020 jyly gazben júretin 150 avtobýs satyp alyndy. 2021 jyly gaz ben elektr energııasyn paıdalanatyn 500-ge jýyq qoǵamdyq kólik quraldaryn satyp alý josparlanýda»,- dep atap ótti Baqytjan Saǵyntaev.

Shahar basshysy qalaǵa kire beriste kólikterdi toqtatatyn turaq jelisi qurylǵanyn aıtty.

«Bıyl qalaǵa kire beris jerlerge 19 ekologııalyq post ornatý jumystary júrgizilýde. Búginde 9 ekopost ashyldy, qalǵan 10 post aǵymdaǵy jyldyń kúzine deıin kezeń-kezeńimen ornatylady. Eki aılyq tekserýler qalalarǵa kiretin kólikterdiń 11%-y men 12,6%-y ekologııalyq normalarǵa sáıkes kelmeıtinin kórsetti. Kóktemde qalada júretin júk kólikteri ólshendi. Olardan shyǵatyn zalaldy zattardyń 29%-y normaǵa sáıkes kelmeıdi»,- deıdi ol.

Ákimniń aıtýynsha, ómir súrýge jaıly qalany qalyptastyrý úshin Almatyda jel rejımin zertteý bastaldy. Zertteý nátıjeleri boıynsha jan-jaqty josparlaý jáne basqa da arhıtektýralyq-qala qurylysy sheshimderiniń jospary ázirlenedi.

«Bul jumys matematıkalyq esepteýler jáne naqtyly derekter arqyly búkil qala boıynsha, ákimshilik aýdandar men nysandardyń aýa aǵyndaryna taldaý jasaıdy. Sondaı-aq, bul qala mańyndaǵy jeldiń ekpinine jáne onyń qalanyń aýa sapasyna áserin baǵalaıdy», - dep atap ótti Baqytjan Saǵyntaev.

Almatyda qala turǵyndaryn megapolıstiń ártúrli bólikterindegi aýa sapasy týraly habardar etetin joba júzege asty.

Aqparat qalanyń 49 LED-ekranyndaǵy 41 datchıkten, sondaı-aq «Almaty» telearnasynan alynady. Derekter kúnine úsh ret jańartylady.

Ákim bıyl aýany baqylaıtyn qosymsha 60 datchıkti ornatý josparlanǵanyn málim etti. Barlyq derekter aqparatty jınaýǵa, taldaýǵa jáne óńdeýge arnalǵan GAJ júıesinde kórsetiledi. Osylaısha, qorshaǵan orta sapasynyń yqtımal boljamy úshin málimetter bazasy qurylady

«Budan ózge, AirVision qoǵamdyq qorymen jáne bastamashyl azamattarmen birge aýanyń lastanýynyń onlaın-kartasyn qamtıtyn veb-portal jáne mobıldi qosymsha ázirlenýde. AQI ındeksi ǵalamdyq jelidegi aýanyń jaǵdaıyn salystyrý úshin ǵalamdyq ádisteme boıynsha esepteletin bolady»,- dedi qala basshysy.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT