+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Maıdanda qaza tapqan Qarqaraly jaýyngeriniń súıegi Otanyna qaıtaryldy

2021 jylǵy 16 maýsym 21:01
Bólisińiz:
Maıdanda qaza tapqan Qarqaraly jaýyngeriniń súıegi Otanyna qaıtaryldy

QARQARALY. QazAqparat – Qarqaraly aýdanyna 1942 jyldyń jazynda Ekinshi dúnıejúzi soǵysy kezinde qaza tapqan sarbaz Rapyq Shamshıevtiń súıegi qaıtaryldy. Osy jyldar ishinde onyń týystary marqumnyń qaıda jerlengenin bilmegen, dep habarlaıdy QazAqparat tilshisi.

Qarqaraly aýdanynyń týmasy Rapyq Shámshıev 1942 jyly maıdanǵa shaqyrylǵan. Týǵan aýylynda onyń jubaıy men eki balasy qaldy.

Rapyq Shámshıev 868-shi atqyshtar polkiniń quramynda soǵysyp, Brıansk maıdanynda urystarǵa qatysqan.

1942 jyldyń jazynda ol jaraqat alyp, kóp uzamaı qaıtys bolady.

Jaýyngerdiń týystary qara habar alǵan, biraq onda sarbazdyń naqty jerlengen jeri kórsetilmegen.

Sondyqtan osy jyldar ishinde jaqyndary kúnderdiń bir kúni marqumnyń basyna baryp, quran baǵyshtaımyz degen úmitin úzbegen.

«Ákem Rapyq Shámshıev 1912 jyly dúnıege kelgen. 1942 jyly ony Qarqaraly aýdanynyń áskerı komıssarıatynan shaqyrdy. Ol kezde men tórt jasta, al inim eki jasta edi. Anamnyń aıtýynsha, áskerı komıssarıattan adamdar kelip, sol kúni túnde ákem soǵysqa ketken. Biz jyladyq. Olar ony tapty dep aıtqan kezde, men sene almadym, bálkim, shatastyryp alǵan shyǵar dep oıladym, óıtkeni arada tym kóp ýaqyt ótken soń bul múmkin emes dep oıladym», – deıdi soldattyń qyzy Erkesh Shamshıeva.

Jaýyngerdiń súıegin «Rjev. Kalının maıdany – 2021» halyqaralyq ekspedıtsııasy barysynda reseılik «Pıoner» jasaǵy tapty.

Rapyq Shámshıevtiń súıegimen birge Kamen Jumanov, Tolsýbaı (Tólebaı) Jumabekovter de Otanyna oraldy – olar 1942 jyldyń aqpan aıynda Qorǵaljyn aýdandyq áskerı komıssarıatyna shaqyrylǵan.

Qazaqstanǵa súıekterdi Qazaqstan áskerı-áýe kúshteri áskerı-kólik avıatsııasynyń borty jetkizdi.

«Bizge aı saıyn qaza tapqan jáne habar-osharsyz ketken týystary men jaqyndaryn izdeý boıynsha onǵa deıin ótinishteri kelip túsedi. Biz Qazaqstan men Reseıdiń izdestirý jasaqtarymen tyǵyz jumys júrgizýdemiz, Reseı Federatsııasynyń aýmaǵynan tabylǵan jaýyngerlerdiń týystaryn izdestirý úshin áskerı komıssarıattarmen baılanys ornatýdamyz», – deıdi ulttyq áskerı-patrıottyq ortalyq áskerı-tarıhı murajaıynyń izdestirý-ekspedıtsııa bóliminiń qyzmetkeri Ásem Qanapına.

Jaqynda Qazaqstan Qarýly Kúshteriniń ulttyq áskerı-patrıot ortalyǵy qaza tapqandardy eske alý úshin týǵan jerine oralǵan jaýyngerlerdiń týystaryn jınady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT