+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Kids go free: Elordadan Alakólge baryp demalýdyń bir aptalyq shyǵyny qansha

2021 jylǵy 14 maýsym 18:28
Bólisińiz:
Kids go free: Elordadan Alakólge baryp demalýdyń bir aptalyq shyǵyny qansha

NUR-SULTAN. QazAqparat – Týrızm ındýstrııasy komıtetiniń tóraǵasy Dastan Ryspekov úsh balaly otbasynyń Nur-Sultannan Alakólge baryp demalýy Kids go free boıynsha neshe teńgege shyǵatynyn aıtty, dep habarlaıdy QazAqparat tilshisi.

Uqsas jańalyqtar
Aqmola oblysynda týrızm salasy qalaı damyp keledi Bıyl Alakólge poıyzben 180 myńnan astam jolaýshy bardy Elorda mańynda atpen serýendeýge arnalǵan soqpaq jol salyndy

«Balalardyń ushaq bıletiniń quny tek týrıstik pakettiń ishinde bolǵan kezde ǵana sýbsıdııalanatynyn basa aıtqym keledi. ıAǵnı, siz týrıstik operatordyń qyzmetine júginbeı, óz betińizben ushqan bolsańyz, bılet quny tólenbeıdi. Al týrıstik operatordyń kómegimen demalǵan bolsańyz, únem 20-30 paıyz bolady. Mysaly, 3 balaly otbasy Nur-Sultannan Alakólge bir aptalyq demalysqa bardy deıik. Onyń shyǵyny qalypty jaǵdaıda 350-400 myń teńge bolady. Osynyń ishinde shamamen 100 myń teńgeni Kids go free baǵdarlamasy boıynsha únemdeýge bolady. Sonda bir otbasy úshin aptalyq týrpakettiń quny 250 myń teńgege shyǵady degen sóz», - dedi Dastan Ryspekov.

Kazakh Tourism kompanııasynyń basqarma tóraǵasy Erjan Erkinbaev týrıstik operatorlardyń kómeginsiz, óz betimen demalatyn otbasylarǵa nege mundaı jeńildik usynylmaıtynyn túsindirdi.

«El ishinde demalýǵa barǵan kezde týystardyń úıin panalaý tıimdi bolýy múmkin. Biraq Kids go free baǵdarlamasynyń fılosofııasy men máni tek balalarǵa tegin bılet usynýǵa arnalmaǵan. Basty maqsat – otbasylyq demalystyń tanymaldyǵyn arttyrý. Onyń ústine jaıǵasý oryndaryn, otbasymen demalýshylarǵa arnalǵan qyzmet túrlerin kóbeıtýge ıtermeleýimiz kerek. Týrıstik operatorlar dál osy otbasylyq saparlarǵa kóbirek kóńil bólý úshin de osyndaı tetik qajet. Baǵdarlamaǵa tek ushaq bıletteriniń sýbsıdııasy kirgeniniń de sebebi bar. Qazaqstandyqtar óz balalaryna elimizdiń ózge buryshtaryn kórsetip, týrıstik áleýetin tanytýy kerek. Bizde landshaftyń túri kóp. 13 ulttyq park bar. Kóbimiz ózimiz turyp jatqan óńirden alysqa uzap shyqpaımyz. Bul baǵdarlama osyndaı otbasylarǵa arnalǵan. Sondyqtan, meniń oıymsha Kids go free baǵdarlamasy boıynsha uıymdastyrylǵan demalysty týystarǵa qonaq bolyp barýmen salystyrýǵa kelmeıtin sııaqty», - dedi Erjan Erkinbaev.

Sondaı-aq, ol Kids go free baǵdarlamasymen Almatyǵa 5 kúndik demalyspen kelgen otbasynyń ortasha shyǵynyn eseptep berdi.

«Eki eresek adam, úsh balasy bar otbasy Almatyda 4 qonyp, demalýǵa kelse, eresekterdiń bılet quny 80 myń teńge bolady. Otbasylyq qonaqúı nómirine 120 myń teńge ketedi. Bul – aıtarlyqtaı jaqsy qonaqúıdiń baǵasy. 5 kúndik atraktsıondar shyǵyny 55 myń teńgedeı bolady. 5 adamnyń 4 kúngi túski asy men keshki tamaǵyna 60 myń teńge shyǵady. Sonda bárin qossaq, 315 myń teńge. Al Kids go free bolmasa, shyǵyn 415 myń bolar edi. Sonda munda da 100 myń teńge únem bar degen sóz», - ded Erjan Erkinbaev.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT