+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

«Baıqońyrdy» jalǵa alǵan Reseı 27 jylda qansha qarajat tóledi

2021 jylǵy 10 maýsym 11:06
Bólisińiz:
«Baıqońyrdy» jalǵa alǵan Reseı 27 jylda qansha qarajat tóledi

NUR-SULTAN. QazAqparat – Senat «1994 jylǵy 10 jeltoqsandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy «Baıqońyr» keshenin jalǵa berý shartyna ózgeris engizý týraly hattamany ratıfıkatsııalaý týraly» zań jobasyn qabyldady, dep habarlaıdy QazAqparat tilshisi.

Uqsas jańalyqtar

Zań jobasyn Senat ókilderine Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın tanystyrdy. Vedomstvo basshysy 1994 jyly Qazaqstannyń «Baıqońyr» ǵarysh aılaǵyn ustaýǵa jáne paıdalanýǵa múmkindigi bolmaǵanyn eske aldy.

«Baıqońyr» ǵarysh aılaǵy búgingi tańda oıdaǵydaı jumys istep tur. Repsýblıkalyq bıýdjetke jyl saıyn «Baıqońyr» keshenin paıdalanǵany úshin 115 mln AQSh dollary shamasynda qarajat túsedi. Keshen jalda bolǵan 27 ishinde respýblıkalyq bıýdjetke shamamen 3,1 mlrd dollar tústi. Taraptardyń ózara múddelerin eskere otyryp, 2004 jyly «Baıqońyr» keshenin jalǵa alý merzimi 2050 jylǵa deıin uzartyldy.

Sondaı-aq, ol 2020 jyly Baıqońyr qalasyn damytýdyń uzaq merzimdi baǵdarlamasy iske asyp jatqanyn atady. Osy baǵdarlamanyń arqasynda Baıqońyr turǵyndary úshin gaz tarıfi 16 ese arzandaǵan.

«1994 jylǵy 10 jeltoqsandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy «Baıqońyr» keshenin jalǵa berý shartyna ózgeris engizý týraly hattamaǵa 2018 jyly Petropavl qalasynda qol qoıyldy. Qazaqstan Respýblıkasynyń zańyn qabyldaý respýblıkalyq bıýdjetten túsetin kiristerdiń qysqarýyna nemese shyǵystardyń ulǵaıýyna ákep soqpaıdy. Reseı tarapy osy hattamanyń kúshine enýi boıynsha memleketishilik rásimderdi oryndady», - degen Baǵdat Mýsın depýtattardan zań jobasyn qoldaýdy surady.

Daýys berý nátıjesinde zań jobasyn qabyldaý týraly sheshim qabyldandy.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT