+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Batys Qazaqstanda bes jylda 56 mln túp aǵash otyrǵyzý kózdelýde

2021 jylǵy 9 maýsym 13:25
Bólisińiz:
Batys Qazaqstanda bes jylda 56 mln túp aǵash otyrǵyzý kózdelýde

ORAL. QazAqparat – Batys Qazaqstan oblysynda 2021-2025 jyldar aralyǵynda 56 mln astam túp aǵash otyrǵyzý kózdelýde, dep habarlaıdy QazAqparat tilshisi.

Uqsas jańalyqtar

BQO orman sharýashylyǵy jáne janýarlar dúnıesi aýmaqtyq ınspektsııasy basshysynyń orynbasary Zakarııa Turalıevtiń óńirlik kommýnıkatsııalar qyzmeti alańynda ótken brıfıngide málim etkenindeı, bul is-sharalar Memleket basshysynyń ótken jylǵy Joldaýyna sáıkes memlekettik orman qory aýmaǵynda 2 mlrd túp aǵash otyrǵyzýǵa qatysty tapsyrmasyn oryndaý maqsatynda josparlanyp otyr.

Osyǵan oraı oblysta keshendi jospar jasalyp, tal-terek otyrǵyzý jumystaryn 2021 jylǵy 900 gektardan 2025 jyly 4794 gektarǵa deıin ulǵaıtý oılastyrylýda.

Atap aıtqanda, óńirdegi memlekettik orman qory jerlerinde bes jylda 15096 ga jerge aǵash otyrǵyzyp, 6851 ga alqapta orman aǵashtaryn tolyqtyrý jumystary júrgizilmekshi.

2021 jyly – 3,47 mln, 2022 jyly – 8,1 mln, 2023 jyly – 11,8 mln, 2024 jyly – 14,96 mln, 2025 jyly 18,2 mln túp aǵash kósheti egilmekshi.

Z.Turalıevtiń sózine qaraǵanda, osyǵan oraı qara par júıesimen topyraq daıyndaý, aǵash otyrǵyzýmen qatar ony kútý, ekpe kóshetterin ósirý, tal-terek túrleriniń tuqymyn jınaý jumystary júrgiziledi.

Bıyl 900 gektar jerge aǵash otyrǵyzyp, 450 gektarǵa orman daqyldaryn tolyqtyrý josparlanǵan bolatyn. Kóktemde 311 gektarǵa aǵash otyrǵyzylyp, 273 gektar jerdiń ormany tolyqtyryldy. Barlyǵy 1328,9 myń túp tal-terek egildi.

Qalǵan jumys kólemi kúz aılarynda oryndalmaqshy. 2021 jyly memlekettik orman qory aýmaǵynda 10 myń gektar jerge ǵylymı jobalaý-izdestirý jumystaryn júrgizýge bıýdjetten 55,5 mln teńge bólindi. Qazirgi kezde memlekettik satyp alý konkýrstary ótkizilýde.

«Oblystyq keshendi josparǵa sáıkes barlyq jumysty sapaly jáne ýaqtyly oryndaý úshin orman sharýashylyǵy mekemeleriniń materıaldyq-tehnıkalyq bazasyn nyǵaıtýǵa 1506,5 mln teńge qarastyryldy. Osy maqsatqa bıylǵy jylǵa 1038,8 mln teńge qosymsha bıýdjettik ótinim berildi.

Kúni búgin ótinim oblystyq bıýdjettik komıssııada qaralý ústinde», dedi Z.Turalıev.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT