+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Ulytaý oqýshylary kıeli jerlerge ekspedıtsııaǵa attandy

2021 jylǵy 5 maýsym 22:25
Bólisińiz:
Ulytaý oqýshylary kıeli jerlerge ekspedıtsııaǵa attandy

ULYTAÝ. QazAqparat – Ulytaý aýdanynyń bilim bólimi «Ult uıasy – Ulytaý» jazǵy týrıstik ekspedıtsııasyn uıymdastyrdy. Jobanyń negizgi qatysýshylary – 13 jastan 17 jasqa deıingi oqýshylar men oqytýshylar. Tanymdyq saparlar jazdyń sońyna deıin ótedi, dep habarlaıdy QazAqparat tilshisi.

Birinshi top jolǵa attandy jáne 7 maýsymda olar qaıta oralady. Balalar men muǵalimder Ulytaý aýdanynyń tarıhı-mádenı eskertkishteri men kıeli oryndaryna barady.

Ekspedıtsııa kezinde saıahatshylar kún saıyn jas týrıster kúndelikterin toltyrady, jergilikti turǵyndardan suhbat alady.

Sondaı-aq oqýshylar kún saıyn áleýmettik jelidegi óz paraqshacynda #UltUıasy-Ulytaý heshtegimen joryq týraly aqparat jarııalaýy qajet.

Ekspedıtsııa aıaqtalǵannan keıin tapsyrmany eń jaqsy oryndaǵan adam marapattalady.

Ulytaý aýdanynyń bilim bóliminde atap ótkendeı, osyndaı jumystyń nátıjesinde «Ólketaný» ádistemelik quraly úshin materıaldar jınalady, sondaı-aq fotoalbom men ǵylymı-shyǵarmashylyq jumystar jınaǵy shyǵarylady.

Ekspedıtsııa aıaqtalǵannan keıin aýdannyń oqýshylar úıi janyndaǵy Ulytau media school úıirmesiniń jetekshisi men tárbıelenýshileri «Ult uıasy – Ulytaý» taqyrybyna derekti fılm túsirýdi josparlap otyr.

Aıta keteıik, shara «Rýhanı jańǵyrý» baǵdarlamasy aıasynda Qazaqstan Táýelsizdiginiń 30 jyldyǵyna oraı uıymdastyryldy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT