+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Máýlen Áshimbaev Tashkenttegi Tóle bı kesenesine bardy

2021 jylǵy 5 maýsym 11:30
Bólisińiz:
Máýlen Áshimbaev Tashkenttegi Tóle bı kesenesine bardy

TAShKENT. QazAqparat – Tóle bı babamyzdyń ómiri men ósıetterine de erekshe nazar aýdarǵanymyz jón. Bul týraly QR Parlamenti Senatynyń tóraǵasy Máýlen Áshimbaevtiń Facebook-te jazdy, dep habarlaıdy QazAqparat tilshisi.

Uqsas jańalyqtar
Qazaqstan qoǵamynyń qurylymy túbegeıli ózgerdi - Senat Tóraǵasy

«Keshe qasıetti juma kúni Ózbekstanǵa jasaǵan sapar aıasynda Tóle bı babamyzdyń kesenesine arnaıy baryp, zııarat ettik. Tashkent qalasynda ornalasqan bul keshen shahardaǵy kórikti jerlerdiń biri sanalady. Sondyqtan munda Ortalyq Azııadan, onyń ishinde Qazaqstannan jáne basqa da shet elderden keletin týrısterdiń qatary kóp. Tóle bıdiń qazaq tarıhynda alatyn orny erekshe. Ásirese, handyq tusynda memlekettik isterge aralasyp, mańyzdy sheshimder qabyldaýǵa belsene atsalysty. Jaýgershilik zamanda halyqtyń birligi men eldiń tutastyǵyn saqtaýǵa úlken úles qosty. Dástúrli ádet-ǵuryptarymyz ben zańdarymyzdyń jınaǵy «Jeti Jarǵynyń» jazylyp, qabyldanýyna da zor eńbek sińirgeni tarıhtan belgili. Áıgili Abylaı hannyń el tizginin ustaıtyn tulǵa bolyp qalyptasýynda Tóle bıdiń róli erekshe bolǵanyn bilemiz. Aqyl-parasatymen ádil sheshimder shyǵaryp, úlken daýlardyń aldyn alyp otyrǵan babamyz bar qazaqtyń basyn qosýdy basty maqsat tutqan edi. Tóle bı aıtqan sózder búginde búkil ultymyz úshin úlgi-ónege ekeni daýsyz», - dep jazdy Senat tóraǵasy.

Osy oraıda M. Áshimbaev qazirgi tańda elimizde Memleket basshysynyń tapsyrmasy boıynsha tarıhı sanamyzdy jańǵyrtý jáne ulttyq qundylyqtarymyzdy dáripteý jumystaryna basymdyq berilip otyrǵanyn atap ótti.

«Osy turǵydan kelgende, Tóle bı babamyzdyń ómiri men ósıetterine de erekshe nazar aýdarǵanymyz jón. Bul tarıhymyzdy taný jáne shejiremizdi zertteý jolyndaǵy mańyzdy qadamdardyń biri bolary anyq. Sondyqtan aldaǵy ýaqytta tarıhshylarymyz osy baǵytqa da basymdyq beredi dep senemiz», - dedi Senat spıkeri.

Eske sala keteıik, 4 maýsym kúni Qazaqstan Parlamenti Senatynyń tóraǵasy Máýlen Áshimbaev Ózbekstanǵa resmı sapary aıasynda osy eldiń Prezıdenti Shavkat Mırzıeevpen kezdesti.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT