+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qasym-Jomart Toqaev Aýǵanstan Prezıdentimen telefon arqyly sóılesti

2021 jylǵy 13 mamyr 17:13
Bólisińiz:
Qasym-Jomart Toqaev Aýǵanstan Prezıdentimen telefon arqyly sóılesti

NUR-SULTAN. QazAqparat - Memleket basshysy Qasym-Jomart Toqaev Aýǵanstan Prezıdenti Ashraf Ǵanımen telefon arqyly sóılesti, dep habarlaıdy Aqorda.

Aýǵan tarapynyń bastamasymen telefon arqyly sóılesken Qasym-Jomart Toqaev pen Ashraf Ǵanı bir-birin qasıetti Oraza aıt merekesimen quttyqtady. Memleket basshysy dostas aýǵan halqyna beıbitshilik pen baq-bereke tiledi.

Prezıdentter AQSh pen NATO áskerleriniń Aýǵanstan jerinen shyǵarylyp jatqan kezdegi ahýal jaıynda pikir almasty. Eldegi saıası-dıplomatııalyq jaǵdaıdy aýǵandyqtardyń ózin qatystyra otyryp, beıbit jolmen retteýden basqa balama jol joq ekeni naqtylandy.

Qasym-Jomart Toqaev Qazaqstannyń Aýǵanstandy terrorızmnen jáne zańsyz esirtki tasymalynan ada, birtutas, beıbit, beıtarap el retinde qalyptastyrý jolynda barynsha kómek kórsetýge daıyn ekenin jetkizdi. Osy maqsatta eki el úkimetteri arasyndaǵy ekonomıkalyq jáne gýmanıtarlyq yntymaqtastyqtyń naqty máselelerin jedel sheshýge baǵyttalǵan dıalogty jandandyrý kerek.

Ashraf Ǵanı aýǵanishilik dıalogty dáıekti túrde qoldaǵany jáne óz eline naqty gýmanıtarlyq kómek kórsetkeni úshin Qazaqstanǵa rızashylyǵyn bildirdi. Ol Qasym-Jomart Toqaevtyń eki memleket arasyndaǵy yqpaldastyq máselelerin sheshýde iskerlik tásildi qoldanýdyń mańyzdylyǵy jónindegi pikirimen kelisti. Sonymen qatar Ashraf Ǵanı Aýǵanstandaǵy ahýaldy retteýge jumyldyrylǵan halyqaralyq kúsh-jigerge Qazaqstannyń belsendi aralasýyn óte mańyzdy dep sanaıdy.



Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT