+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Zaısan aýdanynda mal qyrylyp jatyr – ShQO

2021 jylǵy 13 mamyr 17:04
Bólisińiz:
Zaısan aýdanynda mal qyrylyp jatyr – ShQO

ÓSKEMEN. QazAqparat – Shyǵys Qazaqstan oblysy Zaısan aýdanynda maldyń qyrylý sebepteri anyqtalýda, dep habarlaıdy QazAqparat tilshisi.

Uqsas jańalyqtar
Qaladan aýylǵa qonys aýdarǵan aqmolalyq kelinshek ata kásipti órkendetýde

28 sáýir men 12 mamyr aralyǵynda Zaısan aýdany Shilikti aýyldyq okrýginde jappaı mal qyrylýda. Mal ıeleriniń aıtýynsha, 12 bas iri qara jáne 100 bas usaq mal ólgen. Qazirgi ýaqytta mamandar bunyń sebebin anyqtaýda. Osy jaıly ShQO Veterınarııa basqarmasy basshysynyń orynbasary Ertaı Batholdın málimdedi.

«Shilikti aýyldyq okrýginde 17 azamattan 100-ge jýyq iri qara, 110 bas qoı-eshki dertke shaldyqqan. Sol jerde veterınarııalyq dárigerler halyqpen birlesip, aýrý maldy emdeýde», - dedi ol.

Okrýg aýmaǵyn tekserý barysynda 12 bas iri qara, onyń ishinde 7 buzaý, 5 iri qara, 1 qozynyń ólekseleri tabyldy. Mamandar 1 qozy men 1 buzaýdan patologııalyq tekserý úshin synama alǵan.

«Atalǵan aýyldyq okrýgtegi barlyq mal basy qys mezgilinen kóterem shyqqan. 25-28 sáýir aralyǵynda aýa temperatýrasynyń tómendep, qar aralas jaýyn jaýdy. Osyǵan baılanysty álsiregen mal qolaısyz aýa-raıy saldarynan ólip jatyr. Aýyrǵan maldan patologııalyq synamalar alynyp, oblystyq zerthanaǵa tapsyryldy», - dedi ShQO veterınarııa basqarmasy basshysynyń orynbasary.

Shilikti aýyldyq okrýginde barlyǵy 10 jarym myń bas iri qara, 24 myńnan astam usaq mal, 52 myń jylqy, 150 ıt, 2343 qus, 52 mysyq tirkelgen. Mal jyl boıy jaıylymda ustalady.

Aıta keteıik, 2021 jylǵy veterınarııalyq-profılaktıkalyq sharalar tolyq kólemde oryndalǵan. Atap aıtqanda, nodýlıarlyq dermatıtke, emkarǵa, qutyrý, sibir jarasy, juqpaly jylqy aýrýlaryna qarsy ýaqtyly ekpe salý jumystary júrgizildi. Atalǵan okrýkte sońǵy 3 jylda mal sharýashylyǵy boıynsha qaýipti indet tirkelmegen.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT