+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Astanada Jaqsylyq Úshkempirovti eske alýǵa arnalǵan halyqaralyq týrnır aıaqtaldy

2021 jylǵy 11 mamyr 16:41
Bólisińiz:
Astanada Jaqsylyq Úshkempirovti eske alýǵa arnalǵan halyqaralyq týrnır aıaqtaldy

NUR-SULTAN. QazAqparat - Elordada grek-rım kúresinen qazaqtan shyqqan tuńǵysh Olımpıada chempıony, Eńbek eri Jaqsylyq Úshkempirovti eske alýǵa arnalǵan halyqarlyq týrnır aıaqtaldy, dep habarlaıdy QazAqparat.

Baıraqty básekege Qazaqstan, Reseı, Grýzııa, Ýkraına, Tájikstan, Qyrǵyzstan jáne Ózbekstan elderinen 250-den asa sportshy jınaldy. 2001-2003 jylǵy jastar arasynda ótken týrnırde balýandar 55, 60, 63, 67, 72, 77, 82, 97, 130 keli salmaq dárejelerinde baq synady.

Úsh kúnge sozylǵan jarys qorytyndysy boıynsha jalpy komandalyq esepte 5 altyn, 3 kúmis, 13 qola júldemen Qazaqstan jastar quramasy birinshi orynǵa jaıǵasty. Ekinshi oryndy 3 altyn, 2 kúmis, 5 qola medalmen Grýzııa quramasy ıelense, úzdik úshtikti 1 altyn, 3 kúmis, 1 qola júldemen ózbekstandyq palýandar qorytyndylady.
Shet memleket ókilderi týrnırdiń uıymdastyrylý deńgeıine joǵary baǵa berdi.
«Biz bul týrnırge úshinshi jyl qatarynan qatysyp kelemiz. Byltyr karantın saldarynan jarysqa qatysa almadyq. Osy joly ózimizdiń myqty quramany alyp keldik. Sebebi bul týrnır Eýropa chempıonatynyń aldyndaǵy daıyndyq týrnıri. Jarys óte joǵary deńgeıde uıymdastyrylǵan. Barlyǵy oıdaǵydaı ótti. Uıymdastyrýshylarǵa rahmet!» - dedi Grýzııa jastar quramasynyń bapkeri Gogelıa Tomaz.


Nur-Sultan qalasy ákimdiginiń qoldaýymen ótken halyqaralyq týrnır karantın talaptaryna saı jankúıersiz uıymdastyryldy. Báseke Qazsport arnasynan tikeleı efırde kórsetildi.
Jarys jeńimpazdary men júldegerleri dıplom, medal jáne aqshalaı syılyqtarmen marapattalady.

Jarys 7-9 mamyr aralyǵynda ótti.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER

MURAǴAT