+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Soǵysqa 18 jasynda attanǵan jaýynger bıyl 97 jasqa tolady

2021 jylǵy 9 mamyr 08:40
Bólisińiz:
Soǵysqa 18 jasynda attanǵan jaýynger bıyl 97 jasqa tolady

QYZYLORDA. QazAqparat - Qyzylorda qalasynda turatyn Ábdirahman Baıtikov jeńistiń 76 kóktemin qarsy alǵaly otyrǵan qart maıdangerdiń biri. Nebári 18 jasynda maıdanǵa attanǵan ardager búginde aǵaıynnyń aqylshysyna aınaldy, dep habarlaıdy QazAqparat tilshisi.

Uqsas jańalyqtar
Matrıtsa: Almaty oblysy «qyzyl», Qyzylorda oblysy «jasyl» aımaqqa ótti

1924 jyly dúnıege kelgen ol kez qıyn-qystaý aýyr kezeńdi bastan ótkizdi. Sol ýaqytta nebári jeti jyldyq mektepti bilim alýǵa qoly jetti. 1942 jyldyń tamyz aıynda ásker qataryna alyndy.

Ábdirahman Baıtikov Ózbekstan arqyly Túrikmenstannyń Ashǵabat qalasyna attandy. Alǵash kelgen jas sarbazdar munda qarý-jaraqty buzyp, qaıta jınaýdy úırendi. 1943 jyldyń mamyr aıynda ol 75-shi gvardııalyq dıvızııaǵa qabyldandy. Maıdan dalasyna attandy.

Búginde toqsan tórttegi qart maıdanger soǵys salǵan jarany áli umytqan emes. Otan úshin ot keshken jyldardaǵy kórgen árbir qıyndyq esinde.

«1943 jyldyń 5 shildesi edi. Tań aldynda bizdiń dıvızııaǵa nemis basqynshylary shabýyl jasady. Gúrs-gúrs etken oqtyń daýsy, atys-shabysqa etimiz úırenip ketken. Odan qorqý, qashý joq. Bizdegi bar maqsat – jaýǵa qarsy turyp, jeńiske jetý. Soǵys kezinde árbir jas sarbazdyń boıynda osyndaı sezim júrdi. Olar tek maıdanda jeńiske jetýdi tiledi. Elge aman-esen oralyp, otansúıgishtik qasıetimizdi bolashaq urpaqqa maqtan etý – basty qaǵıdamyz. Alaıda, osy shabýylda qolymnan jaraqat alyp, gospıtalǵa tústim. Súıegim aman eken, tek tamyrlary qıylyp ketken. Sodan qolyma ota jasaldy», - dedi qart maıdanger.

Ýaqyt óz degenin jasaıdy. Bul soǵys adamzattyń júregine óshpes jara saldy. Qanshama urpaqty qaıǵy-qasiretke dýshar etip, ómirin óksitip ketti. Gospıtaldan shyqqan jaraly sarbazdy Novosibir qalasyna jiberdi. 1943 jyldyń jeltoqsan aıynda komıssııaǵa túsirip, 2-shi top múgedektigine baılanysty sheshim shyǵaryp, elge qaıtarady. Soǵys salǵan aýyr jaraqattan 1944 jyldyń basynda elge oraldy.

Týǵan jerde beıbit eńbekke aralasyp, aldyńǵy lekten kórindi. 1965 jylǵa deıin aýyl sharýashylyǵy salasynda eńbek etti. Eńbek jolynda esepshi, brıgadır qyzmetterin atqardy.

«Biz jeńiske halyqtar dostyǵynyń beriktigimen jettik. Sol árqashan esimizde bolýǵa tıis. Búgingi Qazaqstannyń táýelsiz memleket bolǵanyna qýanamyz. Elde tek birlik bolsyn!», - dedi qart jaýynger.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT