+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

RF Lenıngrad oblysynda 314-shi atqyshtar dıvızııasynyń qazaqstandyq jaýyngerlerine eskertkish ornatyldy

2021 jylǵy 7 mamyr 13:00
Bólisińiz:
RF Lenıngrad oblysynda 314-shi atqyshtar dıvızııasynyń qazaqstandyq jaýyngerlerine eskertkish ornatyldy

NUR-SULTAN. QazAqparat - Qazaqstannyń Sankt-Peterbýrgtaǵy Bas konsýly Baýyrjan Dosmanbetov elimizde qurylǵan 314-shi atqyshtar dıvızııasy jaýyngerlerine arnalǵan eskertkishtiń saltanatty ashylý rásimine qatysty.

Uqsas jańalyqtar

Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.

Іs-shara Reseı Federatsııasynyń Lenıngrad oblysy Lodeınoe Pole qalasyndaǵy memorıaldyq keshenniń Dańq alleıasynda ótti. Eskertkishtiń etegine «Maıdan joly» qozǵalysynyń izdeýshileri qazaqstandyq jerdiń bir ýys topyraǵymen kapsýla qoıdy.

Atalǵan rásim Petropavl qalasynda qurylǵan dıvızııanyń 80-jyldyǵyna oraı uıymdastyryldy. Onyń bastapqy quramynyń 70%-dan astamy Soltústik Qazaqstan oblysynyń turǵyndary boldy. Dıvızııa quramyna 777 komandır, 1 543 kishi komandır jáne 8 611 qatardaǵy jaýynger kirdi.


314-shi atqyshtar dıvızııasy Qyzyl Armııanyń Lenıngrad, Volhov jáne 1-shi Ýkraına maıdandaryndaǵy negizgi qorǵanys jáne shabýyl operatsııalaryna qatysqan bolatyn. Ekinshi dúnıejúzilik soǵys jyldary onyń 3 832 jaýyngeri ordendermen, al 4 694 medaldarmen marapattaldy.

Sondaı-aq, eskertkishtiń ashylýy kezinde Qyzyl-Orda oblysynan shaqyrylǵan 1900 jyly týǵan jaýynger Embergen Asaınovtyń máıitin tabystaý rásimi ótti. Ol Reseıdiń «OPORA» izdeý tobymen Lenıngrad oblysynyń Kırov aýdanynan tabylǵan bolatyn. Sarbazdyń máıiti áskerı qurmet rásimimen jerleý úshin Baıqońyr qalasynda turatyn nemeresine tabystalady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT