+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Qazaqstandyqtardyń zeınetaqy júıesine degen senimi artyp keledi

2021 jylǵy 7 mamyr 19:36
Bólisińiz:
Qazaqstandyqtardyń zeınetaqy júıesine degen senimi artyp keledi

NUR-SULTAN. QazAqparat - Qazaqstandyqtardyń BJZQ men zeınetaqy júıesine degen senim deńgeıi artyp keledi, dep habarlaıdy QazAqparat qordyń baspasóz qyzmetine silteme jasap.

Halyqtyń zeınetaqymen qamsyzdandyrý salasyndaǵy qarjylyq saýatynyń deńgeıin jáne halyqtyń «BJZQ» AQ-ǵa degen senim dárejesin aıqyndaıtyn jyl saıynǵy táýelsiz áleýmettik zertteýdiń qorytyndysy shyǵaryldy.

Zertteý respýblıkalyq mańyzy bar 3 qala men Qazaqstannyń 14 oblysyndaǵy qala jáne aýyl turǵyndary arasynda telefon jáne saýalnama júrgizý arqyly ótkizildi.

Jalpy alǵanda 3000 respondentten suhbat alyndy, olardyń ishinde jaldamaly qyzmetkerler – 2 085 (69,5%), ózin-ózi jumyspen qamtyǵandar – 768 (25,6%) jáne jumyssyzdar – 147 (4,9%).

Respondentterdiń edáýir bóligi (suralǵandardyń jalpy sanynyń 841 nemese 28,03%) kommertsııalyq bıznes salasynda, odan ári óndiristik bızneste jumys isteıtinder - 458 respondent nemese suralǵandardyń jalpy sanynyń 15,27%.

Ǵylym salasynda jumys isteıtinderdiń sany eń azy – 62 respondent nemese suralǵandardyń jalpy sanynyń 2,07% boldy.

Zertteý saýalnamasy suraqtarynyń negizgi bóligi Qazaqstan halqynyń zeınetaqymen qamsyzdandyrý salasyndaǵy qarjylyq saýattylyǵyn anyqtaýǵa, sondaı-aq, Qazaqstannyń zeınetaqy júıesine jáne BJZQ-ǵa senim dárejesin anyqtaýǵa baǵyttalǵan 25 suraqtan turdy.

Jalpy, saýalnama nátıjesine saı, halyqtyń elimizdiń zeınetaqy júıesine de, BJZQ-ǵa da seniminiń artqanyn baıqaýǵa bolady. Atap aıtqanda, saýalnama nátıjeleri boıynsha turǵyndardyń edáýir bóligi, ıaǵnı 1270 respondent nemese suralǵandardyń jalpy sanynyń 42,33% eńbek qyzmeti aıaqtalǵannan keıin olardyń qarjylyq ál-aýqatynyń negizgi kózi BJZQ-dan tólenetin zeınetaqy jınaqtary bolady degen pikirdi ustanady. Saýalnamaǵa qatysqandardyń jalpy sanynyń 21,17% (635 respondent) mańyzdylyǵy boıynsha ekinshi orynda memleketten beriletin zeınetaqy tur degen pikirde. Al 473 respondent nemese suralǵandardyń jalpy sanynyń 15,77%-y BJZQ-daǵy jınaqtardan basqa da ózge de jınaqtaryna senim artady eken (úshinshi jıi berilgen jaýap).

Sonymen qatar, respondentterdiń jartysyna jýyǵy – 1449 adam (respondentterdiń jalpy sanynyń 48,3%) – salymshylardyń mindetti jáne erikti zeınetaqy jarnalaryn shoǵyrlandyrý, zeınetaqy jınaqtarynyń jeke esebin júrgizý, zeınetaqy jınaqtary esebinen zeınetaqy tólemderin júzege asyrý bolyp tabylatyn BJZQ-nyń fýnktsııasyn durys aıqyndaıdy.

Respondentter zeınetaqy jarnalarynyń túrleri týraly da jaqsy habardar bolyp shyqty.

Ótken jylǵy zertteý qorytyndylarymen salystyrǵanda BJZQ-ǵa degen senim deńgeıi óskenin atap ótken jón.

Qorǵa degen senimniń ortasha deńgeıi 6,0 baldy quraıdy (eń tómengi máni 1, eń joǵarǵy máni 10 ball), ıaǵnı, nátıjeler ortashadan joǵary.

Bir jyl buryn bul kórsetkish 5,4 ball bolǵan edi.

Bıyl eń joǵary ball Qyzylorda oblysynda (7,3), Shymkent qalasynda (7,0) jáne Almaty oblysynda (7,0 ball) tirkeldi.

Halyqtyń elimizdegi zeınetaqy júıesine degen senim deńgeıi 5,8 baldy qurady. Esterińizge sala keteıik, bir jyl buryn senim deńgeıi 5,1 baldy quraǵan bolatyn.

Oblystar men respýblıkalyq mańyzy bar qalalar bólinisinde Shymkent qalasynda (7,1 ball), Qyzylorda (7,0 ball), Almaty (6,9) jáne Qostanaı (6,7) oblystarynda turatyn respondentter zeınetaqy júıesine qatysty eń kóp senim bildirdi

Zeınetaqymen qamsyzdandyrý salasyndaǵy qarjylyq saýattylyq deńgeıi eki deńgeı boıynsha taldandy: bazalyq jáne ilgeri.

Qazaqstandyqtar bazalyq deńgeı boıynsha kóptegen suraqtarǵa durys jaýap berdi.

Máselen, 1342 respondent (nemese suralǵandardyń jalpy sanynyń 44,7%) Qazaqstannyń barlyq azamattaryna kepildi túrde beriletin memlekettik bazalyq zeınetaqy tólemi jáne eńbek ótili boıynsha memlekettik eńbek (ortaq) zeınetaqy týraly, sondaı-aq, mindetti zeınetaqy jarnalarynan, mindetti kásiptik zeınetaqy jarnalarynan, erikti zeınetaqy jarnalarynan qalyptastyrylǵan jumyskerdiń menshikti zeınetaqy jınaqtary esebinen BJZQ-dan zeınetaqy tólemderi týraly da maǵlumat alǵan bolyp shyqty.

Respondentterdiń kópshiligi zeınetke shyǵý jasy týraly suraqqa durys jaýap berdi – 2066 respondent nemese respondentterdiń 68,87%.

Saýalnamaǵa qatysqandardyń 85% - y (nemese 2 558 respondent) ózderiniń jeke zeınetaqy shottarynyń jaı-kúıi týraly aqparatty qalaı bilýge bolady degen suraqqa durys jaýap nusqalaryn kórsetti.

Jetildirilgen deńgeıdi baǵalaý úshin suraqtar kúrdelene tústi. Olarǵa berilgen jaýap nusqalary da az boldy.

Mysaly, 40,97% (nemese 1229 respondent) zeınetaqy aktıvterin senimgerlik basqarý jáne ınvestıtsııalyq tabys alý úshin zeınetaqy aktıvterin ınvestıtsııalaý bóliginde QR Ulttyq bankiniń atqaratyn qyzmeti týraly habardar, onyń ishinde 420 respondent (nemese suralǵandardyń jalpy sanynyń 14,0%) salymshylardyń óz zeınetaqy aktıvterin ınvestıtsııalyq portfeldi basqarýshynyń senimgerlik basqarýyna berý múmkindigi týraly biletin bolyp shyqty.

Sonymen qatar, 1101 respondent (nemese suralǵandardyń jalpy sanynyń 36,70%) zeınetaqy aktıvterin ınvestıtsııalaýdy tikeleı «BJZQ» AQ júzege asyrady degen qate pikirdi ustanyp kelgen eken.

1457 respondent nemese 48,57% (1158 respondent nemese suralǵandardyń jalpy sanynyń 38,60%) zeınetaqy jınaqtarynyń ártúrli qarjy quraldaryna ınvestıtsııalanatynyn jáne ınvestıtsııalyq tabys esebinen kóbeıetinin biledi.

Sonymen qatar 1543 respondent nemese 51,43%- y zeınetaqy jınaqtarynyń ınvestıtsııalyq tabys esebinen ınvestıtsııalanatyny jáne kóbeıetini týraly bilmeıtinin, ne bolmasa qarjy jáne ınvestıtsııalarǵa qatysty máselelerden múldem habarsyz ekendikterin jetkizdi.

Saýalnama jalpy zeınetaqy júıesi jáne BJZQ týraly aqparat alý arnalary týraly da júrgizildi.

Respondentterdiń jartysyna jýyǵy teledıdar arqyly aqparat (jańalyqtar) alýǵa beıim (1358 eskertý/45,3%), odan sál azy – áleýmettik jeliler men messendjerler arqyly (1007 eskertý/33,6%).

Úshinshi eń kóp taralǵan aqparat kózi jańalyqtar jáne basqa saıttar bolyp tabylady – respondentter arasynda 644 eskertý/21,5%.

Osyǵan súıene otyryp, ınternet kózderiniń (áleýmettik jeliler, messendjerler men saıttar) teledıdarǵa qaraǵanda jıyntyq áseri kóp degen tujyrym jasaýǵa bolady.

Saýalnamaǵa qatysqandar ınternet-saıttardyń ishinde qordyń enpf.kz korporatıvtik saıtyn eń tanymal jáne jıi aıtylatyn aqparat kózi dep atady.

Saýalnamaǵa qatysqan azamattar óz jınaqtary týraly aqparat alý turǵysynan BJZQ keńselerine jeke ótinish jasaý ádisin dástúrli túrde tańdaýda: 1191 respondent nemese 39,7%. Respondentterdiń pikirinshe, jeke zeınetaqy shotynyń jaı-kúıi týraly aqparat alýdyń ekinshi ońtaıly tásili – BJZQ uıaly qosymshasy arqyly aqparat alý (982 atap ótý nemese 32,7%), saýalnamaǵa qatysqan 933 adam (31,1%) HQO-ǵa júginý ádisin tańdady, odan keıin BJZQ saıtyndaǵy jeke kabınet arqyly aqparat alý (882 ret ataǵan nemese 29,4%) tanymaldyqqa ıe.

«BJZQ» AQ qyzmeti týraly aqparatqa qoljetimdilikti zertteý nátıjesi respondentterdiń jartysyna jýyǵynyń aqparatty alý protsesi barlyǵy úshin ońaı, qoljetimdi dep tapqanyn kórsetti (1481 respondent nemese suralǵan halyqtyń jalpy sanynyń 49,37%).

Sonymen qatar, 847 respondent nemese barlyq suralǵandardyń jalpy sanynyń 28,23% - y BJZQ týraly aqparat alý úshin ýaqyt qajet dep sanaıdy.

Sonymen qatar saýalnamaǵa qatysqan respondentterdiń basym bóligi (suralǵandardyń jalpy sanynyń 1421 nemese 47,37%) BJZQ qyzmeti týraly negizgi aqparat barshaǵa túsinikti dep sanaıdy.

Jalpy, halyqtyń zeınetaqymen qamsyzdandyrý salasyndaǵy qarjylyq saýattylyǵy deńgeıin zertteý nátıjesi kórsetkendeı, olardyń basym bóliginiń bazalyq bilimderi bar.

Táýelsiz sarapshylar BJZQ-nyń aqparattyq-túsindirý jumystaryn odan ári jalǵastyrýy, sondaı-aq, jalpy zeınetaqy júıesine degen senimdi odan ári nyǵaıtý jónindegi strategııalyq mindetterdi iske asyrý barysynda qordyń zertteý qorytyndylaryn eskerý qajet ekendigin atap ótti.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT