+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Mańǵystaýda mereke kúni 500 adamǵa arnalǵan sport kesheni ashyldy

2021 jylǵy 1 mamyr 14:07
Bólisińiz:
Mańǵystaýda mereke kúni 500 adamǵa arnalǵan sport kesheni ashyldy

AQTAÝ. QazAqparat - 1 mamyr Qazaqstan halqynyń birligi kúni Mańǵystaý oblysynyń Aqshuqyr aýylynda kóp salaly «Súleıman Promoýshn» sport kesheni ashyldy, dep habarlaıdy QazAqparat tilshisi.

Saltanatty ashylý rásimine sanıtarlyq talaptar saqtala otyryp, shekteýli adam qatysty. Merekelik jıynnyń shymyldyǵyn ashqan oblys ákimi Serikbaı Trumov turǵyndardy merekemen quttyqtap, sport kesheniniń jumysyna sáttilik tiledi.

«Búgingi kún – árbir qazaqstandyq úshin týǵan jerge degen súıispenshilik pen adaldyq, azamattyq borysh pen jalpyulttyq kelisimniń merekesi. Osy bir aıtýly kúni Aqshuqyr aýylynda sońǵy úlgidegi jańa sport kesheni boı kóterip otyr. Memleket basshysy Q.Toqaev «Barlyq jastaǵy el azamattary arasynda buqaralyq sportty damytý mańyzdy. Dene shynyqtyrýdy órkendetý isi jańa chempıondar shyńyna shyǵatyn pıramıdaǵa aınalýy tıis»- degen bolatyn. Bul baǵytta Mańǵystaý oblysy aýmaǵynda atqarylyp jatqan aýqymdy ister barshylyq. Qala, aýyl turǵyndaryna tegin sportpen shuǵyldanýǵa qajetti jaǵdaı jasalǵan. Bir Túpqaraǵan aýdanynyń ózinde 14 ashyq sport alańy, 5 fýtbol alańy, 5 kóshe trenajery bar. Barlyǵy sporttyq qural-jabdyqtarmen tolyq qamtylǵan.

Táýelsizdigimizdiń 30 jyl ishinde halqymyzdyń birliginiń arqasynda jas memleketimizdiń asqan asýy, alǵan belesi jeterlik. Osynyń barlyǵy Táýelsizdiktiń jemisi. Egemen elimizdiń eńsesin bıiktetip, jeńisti kúnderde jolyǵaıyq aǵaıyn!»,- dedi S.Trumov.

Sport kesheni jekpe-jek túrlerin damytýǵa kúsh salyp júrgen Ibragım Aqdrashevtiń demeýshilgimen salyndy. Onda 500 adam kúrestiń birneshe túrimen, boks, gımnastıka, sýǵa júzý sııaqty sporttyń birneshe túrimen aınalysa alady.

Aıta ketsek, Túpqaraǵan aýdanynda 4 jabyq sport kesheni bar. Bıyl olardyń qatary taǵy úsh birdeı sport keshenimen tolyǵady. Sport nysandarynyń bireýi osy Aqshuqyr aýylynda jergilikti bıýdjet qarajatyna salynady. Sonymen qatar Baýtın men Qyzylózen aýyldarynda da bıyl sport kesheni boı kóteredi.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT