+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Alasha hanǵa qatysty halyqaralyq zertteý júrgiziledi

2021 jylǵy 27 sáýir 22:16
Bólisińiz:
Alasha hanǵa qatysty halyqaralyq zertteý júrgiziledi

NUR-SULTAN. QazAqparat - QR Ulttyq mýzeıiniń dırektory Arystanbek Muhamedıuly Alasha hanǵa qatysty sheteldik ǵalymdardyń aralasýymen iri zertteý jumystary bastalatynyn málimdedi. Bul týraly ol Qasqa Jol Youtube arnasyna bergen suhbatynda aıtty.

«Alasha hannyń ultyna qatysty kóptegen pikirtalas bar. Namysqa tıedi. Ekskýrsovodtar ony «Ózbektiń bıleýshisiniń balasy, ústi ala-ala bolǵasyn úıinen shyǵaryp tastaǵan. Sosyn Qazaq jerine kelip, úlken bılikke jetti» dep túsindirip júr. Ekinshi bireýler boıy alasa bolǵasyn «Alasa han» dep, keıin Alasha atalyp ketken dep jatady. Sonda biz ony qazaqtyń batyry, hany dep maqtanarlyq derekter almaımyz ba?», - dedi Arystanbek Muhamedıuly.

Eks-mınıstr Ulytaý jerindegi Alasha han kesenesine mamandardy jınap, onyń tegine qatysty halyqaralyq zertteý jumystaryn bastamaq.

«Sol sebepti qazir Alasha han jaıly úlken derekterdi jınap jatyrmyz. Mamyr aıynda mazaryna baryp, arnaıy vıdeomaterıaldar túsirip, úsh tilde taratamyz. Álem ǵalymdaryna úndeý jasaımyz. Osydan keıin shetel mamandary kelip, zertteıdi. Sonda qazaqtyń tarıhy múldem basqasha bolady», - deıdi Arystanbek Muhamedıuly.

Aıta keteıik, qazaq jerinde bılik qurǵan Alasha hannyń shyqqan tegi men esimine baılanysty túrli derekter men ańyz áńgimeler bar. Kóbine «Alash» etnonıminiń shyǵýy Alasha han atymen baılanystyrylady. Eger zertteýler arqyly dáıekti málimetter shyqsa, Qazaq memleketiniń qalyptasý tarıhy men merziminde ózgerister bolýy ǵajap emes. Keı ǵalymdar Alasha han kesenesinde jatqan Shyńǵys han ekenin de alǵa tartady.

«Nelikten Ámir Temir úlken joryqqa shyǵar aldynda Ulytaýǵa kelip, tasqa qashap «Men áskerimmen Altyn Ordany qıratýǵa bara jatyrmyn. Sol úshin Ulytaýǵa keldim» dep jazyp ketken? Sebebi Ulytaý qasıetti jer. Sol jazý qashalǵan tas Ermıtajdyń eń bir ádemi jerinde tur. Halyqaralyq ǵalymdar osy máseleni de zertteýi qajet», - deıdi Ulttyq mýzeı dırektory.



Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT