+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstanda kómirsýtek shıkizaty boıynsha jer qoınaýyna qatysty ekinshi elektrondy aýktsıon ótedi

2021 jylǵy 21 sáýir 12:42
Bólisińiz:
Qazaqstanda kómirsýtek shıkizaty boıynsha jer qoınaýyna qatysty ekinshi elektrondy aýktsıon ótedi

NUR-SULTAN. QazAqparat - Qazaqstanda kómirsýtek shıkizaty boıynsha jer qoınaýyn paıdalaný quqyǵyn berýge arnalǵan ekinshi elektrondy aýktsıon ótedi, dep habarlaıdy QazAqparat Energetıka mınıstrligine silteme jasap.

23 sáýirde saǵat 09:00-de elektrondy aýktsıondar operatorynyń saıtynda jer qoınaýyn paıdalaný quqyǵyn berýge arnalǵan ekinshi elektrondyq aýktsıon ótedi.

Buǵan deıin 2020 jylǵy 23 jeltoqsanda 10 jer qoınaýy ýchaskesi boıynsha birinshi elektrondyq aýktsıon tabysty ótkizildi. Kómirsýtekter shıkizaty boıynsha jer qoınaýyn paıdalaný quqyǵyn berýge arnalǵan ekinshi elektrondy aýktsıondy Energetıka mınıstrligi 2021 jylǵy 23 qańtarda 15 jer qoınaýy ýchaskesi boıynsha vedomstvonyń ınternet resýrsynda jarııalaǵan.

Elektrondy aýktsıonǵa shyǵarylǵan 15 ýchaskeden 23 sáýirde tek 8 ýchaske boıynsha aýktsıon ótkiziledi, qalǵan 7 ýchaske boıynsha «Jer qoınaýy jáne jer qoınaýyn paıdalaný týraly» QR kodeksiniń 99-baby 1-tarmaǵyna sáıkes qatysýshylardyń eń az sanynyń bolmaýyna baılanysty jer qoınaýyn paıdalaný quqyǵyn berý aýktsıony ótkizilmeıdi.

Esterińizge sala ketsek, Energetıka mınıstrligi «Qazaqstan Respýblıkasynyń keıbir zańnamalyq aktilerine jer qoınaýyn paıdalaný, gaz jáne gazben jabdyqtaý máseleleri boıynsha ózgerister men tolyqtyrýlar engizý týraly» 2019 jylǵy 30 jeltoqsandaǵy zańdy iske asyrý maqsatynda birqatar quqyqtyq akti qabyldady. Onyń ishinde «Kómirsýtekter boıynsha jer qoınaýyn paıdalaný quqyǵyn berýge arnalǵan elektrondyq aýktsıondar operatorynyń ınternet resýrsyn paıdalana otyryp, elektrondy nysanda aýktsıon ótkizý qaǵıdalaryn bekitý týraly» 2020 jylǵy 30 shildedegi № 269 buıryq bar.

«Osylaısha, «Jer qoınaýy jáne jer qoınaýyn paıdalaný týraly» kodekske engizilgen túzetýge sáıkes, eger aýktsıondar buryn qaǵaz júzinde júrgizilip, qatysýshylarǵa qolaısyzdyq týǵyzsa, 2020 jyldyń 1 qyrkúıeginen bastap, jer qoınaýyn paıdalaný quqyǵyn alýǵa múddeli tulǵa aýktsıondarǵa onlaın tártipte qatysa alady.

Jańa tetik naryqtyń ashyqtyǵyn qamtamasyz etip, bıýrokratııany azaıtady jáne bıznes úshin de, memleket úshin de shyǵyndardy aıtarlyqtaı kemitedi», delingen habarlamada.

Aýktsıon arqyly jerge menshik quqyǵy emes, jer qoınaýyn paıdalaný quqyǵy beriledi. Bul quqyq «Jer qoınaýy jáne jer qoınaýyn paıdalaný» Kodeksinde retteledi, ýchaskelerdegi kez kelgen tehnologııalyq protsester QR Energetıka mınıstrligi janyndaǵy Barlaý jáne ıgerý jónindegi ortalyq komıssııada qaralady.

Jer qoınaýyn paıdalaný quqyǵyn alǵan ınvestor jergilikti atqarýshy organmen jerdi jaldaý týraly shartqa qol qoıady. Jobalaý qujatyn ázirleý aldynda árbir jer qoınaýyn paıdalanýshy jergilikti turǵyndardyń qatysýymen qoǵamdyq tyńdaý ótkizýge mindetti.

Aýktsıonnyń barysyn kez kelgen adam baqylaı alady. Bul úshin operator, ıaǵnı «Aqparattyq-esepteý ortalyǵy» AQ, jeke ashyq aýktsıon zalyn qurdy.

Mınıstrliktiń Facebook akkaýntynda onlaın translıatsııa kezinde kórmege qoıylǵan ýchaskelerge qatysty sol kezdegi jaǵdaı ornalastyrylady, ol jarty saǵat saıyn jańartylyp otyrady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT