+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Shymkentte dárigerler úsh aılyq náresteniń tynys jolynan túıreýishti alyp shyqty

2021 jylǵy 16 sáýir 17:40
Bólisińiz:
Shymkentte dárigerler úsh aılyq náresteniń tynys jolynan túıreýishti alyp shyqty

ShYMKENT. QazAqparat – Shymkentte dárigerler úsh aılyq náresteniń tynys jolynan túıreýishti alyp shyqty, dep habarlaıdy QazAqparat.

Shymkent qalasyndaǵy balalar klınıkalyq aýrýhanasyna tynys alý jolynda bógde zat bar degen kúdikpen úsh aılyq qyz bala jedel járdem kóligimen jetkizilgen.

«Náresteni shuǵyl túrde teksergen dárigerler rentgenogramma jasaǵan. Tekserý qorytyndysynda traheıanyń joǵarǵy úshten bir bóliginde túıreýish turǵany anyqtaldy», delingen habarlamada.

Balanyń ishindegi qaýipti zatty alyp shyǵý úshin aýrýhanadaǵy bilikti hırýrg - A.Túlkibaev, N.Qoıanbaev jáne anestızıolog dárigeri B.Totyqov shuǵyl túrde operatsııa jasaǵan.
«Ota kezinde fıbrobronhoskop arkyly kirip, ishtegi túıreýishti alyp shyqtyq. Operatsııa tiliksiz ótti. Balanyń jalpy jaǵdaıy jaqsy, emdeý hattamasyna sáıkes qajetti em alýda» - deıdi ota jasaǵan dáriger A.Túlkibaev.


Mamandardyń aıtýynsha, ortalyqqa bógde zat jutyp qoıǵan balalar jıi kelip túsedi. Bógde zattar aýyz qýysy men jutqynshaq arqyly ótip, traheıa men bronhqa enedi. Іri bóten deneler óńesh arqyly óte almaıdy. Bógde denelerdiń kóbisi ádette usaq (monshaq, burshaq, tyrnaq, túıme, ıne, túıreýish, súıek, usaq tıyndar). Úlken bóten deneler nemese ótkir formasy bar zattardyń traheıanyń qabyrǵalaryna nemese negizgi bronhtyń qabyrǵalaryna, al sol jaqqa qaraǵanda oń jaqta jıi turyp qalý qaýpi óte joǵary.

Balalardyń bronhy men traheıasyna ártúrli zattar turyp qalýy múmkin: dán, túıme, túıreýish, qaǵaz qystyrǵysh, tyrnaq, oıynshyq bólshekteri jáne taǵy basqalar.
«Mundaı jaǵdaılar kóbinese ata-ananyń qaraýynsyz qalǵan balalarda jıi kezdesedi», deıdi dárigerler.


Bizdiń kanalymyzǵa jazylyńyz:

Bólisińiz:

Avtor:

Jánibek Amangeldi

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT