+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstanda zeınetaqy aktıvterin esepteý tártibi ózgerdi

2021 jylǵy 15 sáýir 00:33
Bólisińiz:
Qazaqstanda zeınetaqy aktıvterin esepteý tártibi ózgerdi

NUR-SULTAN. QazAqparat – Qazaqstanda zeınetaqy aktıvterin esepke alý jáne esepteý tártibi ózgerdi, dep habarlaıdy QazAqparat BJZQ baspasóz qyzmetine silteme jasap.

Biryńǵaı jınaqtaýshy zeınetaqy qorynyń habarlaýynsha, bul ózgeris tıisti qujatpen bekitilgen.

Jańa tártipke sáıkes esep aıyrysý aptanyń birinshi jumys kúniniń sońyndaǵy jáne aıdyń sońǵy kúntizbelik kúniniń sońyndaǵy jaǵdaı boıynsha apta saıynǵy negizde júzege asyrylady.

Zeınetaqy aktıvterin esepke alý jáne esepteý tártibi mynadaı ádisnamalyq tásildi kózdeıdi. Salymshynyń (alýshynyń) jeke zeınetaqy shotyna (JZSh) zeınetaqy jarnalary túsken kezde, kelip túsken zeınetaqy jarnalarynyń somasyn esepteý jónindegi operatsııalar olardy zeınetaqy jarnalary túsken kúngi shartty birliktiń aǵymdaǵy quny boıynsha zeınetaqy aktıvteriniń shartty birlikteriniń balamaly sanyna qaıta esepteı otyryp júzege asyrylady.

Salymshynyń (alýshynyń) JZSh-synan zeınetaqy tólemderin júrgizý kezinde zeınetaqy jınaqtarynyń somalaryn esepten shyǵarý jónindegi operatsııalar olardy zeınetaqy tólemi kúnindegi shartty birliktiń aǵymdaǵy quny boıynsha zeınetaqy aktıvteriniń shartty birlikteriniń balamaly sanyna qaıta esepteı otyryp júzege asyrylady.

Zeınetaqy aktıvteri uzaq merzimdi ınvestıtsııalar bolyp tabylatyndyqtan, shartty birliktiń qunyn esepteýdi apta saıynǵy negizde júrgizý (aptanyń birinshi jumys kúniniń sońyndaǵy jáne aıdyń sońǵy kúntizbelik kúniniń sońyndaǵy jaǵdaı boıynsha) qarjy quraldary qunynyń jáne olar boıynsha ınvestıtsııalyq kiristiń qysqa merzimdi naryqtyq ózgerýiniń saldarynan salymshylardyń (alýshylardyń) JZSh-syndaǵy zeınetaqy jınaqtarynyń kúndelikti yqtımal aýytqýlaryn retteýge múmkindik beredi.

Osylaısha, salymshylarǵa (alýshylarǵa) JZSh-dan beriletin úzindi kóshirmelerdegi ınvestıtsııalyq tabys bóligindegi yqtımal ózgerister árbir aptanyń birinshi jumys kúniniń sońynda jáne árbir aıdyń sońǵy kúntizbelik kúniniń sońynda kórinis tabatyn bolady.

Bul rette zeınetaqy jarnalarynyń (ósimpuldardyń) barlyq túsimderi týraly, júzege asyrylǵan zeınetaqy tólemderi men aýdarymdary týraly (ekinshi deńgeıdegi bankterge, ýákiletti operatorlarǵa, saqtandyrý uıymdaryna, ınvestıtsııalyq portfeldi basqarýshylarǵa) aqparat burynǵydaı operatsııalardy júrgizý kezinde kún saıyn tolyq kólemde kórsetiletin bolady.

Aıta ketsek, buǵan deıin birjolǵy zeınetaqy tólemderin paıdalaný qaǵıdalaryna tolyqtyrýlar engiziletindigi týraly habarladyq.



Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT