+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Saılanǵan ákim bıliktiń emes, halyqtyń ókili bolady

2021 jylǵy 14 sáýir 17:28
Bólisińiz:
Saılanǵan ákim bıliktiń emes, halyqtyń ókili bolady

NUR-SULTAN. QazAqparat - Bıyl elimizde 4 deńgeıdegi 836 ákim halyqtyń tikeleı daýys berýi arqyly laýazymǵa ıe bolady. Álemdik tájirıbe saılaý arqyly qyzmetke kelgen basshy turǵyndardyń únine qulaq asýǵa múddeli bolatynyn kórsetken, dep habarlaıdy QazAqparat.

Uqsas jańalyqtar
Atyraýda jeke turǵyn úılerdiń aýlasynda saryshaıan qaptady Elordalyq kóligin turaqqa qoıý úshin qansha ýaqytyn jumsaıdy Onomastıka: Aqmola oblysynda 30-dan astam eldi mekenniń ataýy ózgertilgen

Memleket basshysy 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda aýyl ákimderin tikeleı saılaýdy engizýdiń qajettigin aıtty. Bul másele Ulttyq qoǵamdyq senim keńesiniń otyrystarynda da birneshe ret kóterilgen bolatyn. Ulttyq ekonomıka mınıstrligi Memleket basshysynyń tapsyrmasy boıynsha eldegi saılaý zańnamasyna ondaǵan ózgertý men túzetý engizetin zań jobasyn Májiliske tanystyrdy. Joba boıynsha aýdandyq mańyzdaǵy qalalardyń, aýyldardyń, kentterdiń, aýyldyq okrýgterdiń ákimderin endi jergilikti halyqtyń ózi tikeleı daýys berý arqyly saılaıtyn bolady.


Tikeleı daýys berýdiń artyqshylyǵy qandaı?

Qoldanystaǵy tártip boıynsha da bul ákimder negizinen janama saılaý arqyly taǵaıyndalyp kelgen. Biraq daýysty halyq emes, jergilikti máslıhat depýtattary beredi nemese jergilikti qoǵamdastyq jınalysy sheshedi. Al úmitkerdi aýdan ákimi usynady. Bul protsestiń resmılenip ketkeni sonsha, qarapaıym azamattardyń sanasynda ákimdi aýdan basshysy jeke-dara taǵaıyndaıdy degen túsinik qalyptasqan. Óıtkeni, aýdan ákimi usynǵan kandıdatýrany jergilikti aktıvterdiń qoldamaı qoıǵan kezi neken-saıaq. Qarapaıymdap aıtsaq, ákimdi tikeleı halyqqa saılatý arqyly aýdan basshysynan góri jerlesterine baǵynyshty ete túsý kózdelip otyr. Bir jaǵynan ákimdi ózderi saılaǵandyqtan, halyqtyń jergilikti bılikke degen senimi de artady. Buǵan deıin ákimder turǵyndardyń aldynda joǵarydan taǵaıyndalǵan bıliktiń ókili retinde esep berse, endi halyq saılaǵan qyzmetker retinde esep beretin bolady. «Halyq únine qulaq asatyn memleket» tujyrymdamasynyń aýyldyq deńgeıde iske asýyn da osy reforma qamtamasyz etýi tıis.


Úmitkerdi kim usynady?

Sonymen, 2021 jyldyń ekinshi jartysynda ókilettik merzimi aıaqtalatyn 836 aýyldyq okrýg ákimi saılaýǵa túskeli otyr. Bul halyq pen aýyl ákimderi úshin ǵana emes, saılaý naýqanyn uıymdastyrýshylar úshin de jańa tájirıbe bolmaq.

Qazirgi júıede aýyl men kent deńgeıindegi ákimniń kandıdatýrasyn aýdan ákimdigi usynatyndyqtan, onyń halyqtan buryn ózin usynǵan basshynyń qabaǵyna kóp qaraıtyny belgili. Jańa tártip boıynsha úmitkerdi saıası partııalar usynatyn bolady. Eger úmitker saıası partııada joq bolsa, óz-ózin usyna alady. Ol úshin úmitker tıisti aýyldyq okrýgte turatyn saılaýshylardyń keminde 1%-ynyń qolyn jınaýy kerek.

Qandaı da bir sebeppen saılaýǵa túsetin úmitker bireý ǵana bolsa, aýdannyń nemese oblystyq mańyzy bar qalanyń ákimi saılaýdyń balamaly negizde ótýin qamtamasyz etýge mindetti. Aýyldyq okrýg ákimderi osyndaı júıemen árbir 4 jyl saıyn saılanyp otyrady.


Daýysty kim sanaıdy?

Aýyldyq okrýg ákiminiń saılaýy taǵaıyndalǵan keıin úmitkerlerdi tirkeý júrgiziledi. Tirkeýden sátti ótken kandıdat eń tómengi jalaqynyń bir eselengen mólsherinde saılaý jarnasyn tóleıdi. Saılaýǵa kóldeneń kók attylardyń enbeýi úshin kandıdattyń biliktilik talaptaryna qanshalyqty saı ekeni tekseriledi. Bul isti aýdandyq (qalalyq) saılaý komıssııasy atqarady. Atalmysh komıssııa kandıdattardyń deklaratsııasyn tekserip, úgit naýqanyn júrgizýge, saılaý ótkizip, daýys sanaýǵa, saılaý jaramsyz dep tanylsa jáne eki kandıdat teń daýys sanyn jınaǵan bolsa, aýyldyq okrýg ákimderiniń qaıta saılaýyn ótkizýge mindetti.

Aýyldyq okrýg ákimderin saılaý qorytyndylary jergilikti buqaralyq aqparat quraldarynda jarııalanady. Osydan keıin baryp eń kóp daýys jınaǵan úmitker aýyldyq okrýg ákimi retinde tirkeledi.

Tizgindi teń ustaý úshin aýdannyń jáne oblystyq mańyzy bar qalanyń máslıhattaryna ákimge senimsizdik bildirý ókileti beriletin bolady. Demek, aýyldyq okrýg ákimi tek saılanyp qana qoımaı, ony saılaǵan qaýymdastyq aldynda baqylaýda bolady.

Qazir osy normanyń bári qamtylǵan zań jobalary Parlament Májilisiniń qaraýynda jatyr.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT