+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Pandemııa kezinde memlekettik qyzmetter qalaı kórsetildi

2021 jylǵy 12 naýryz 12:10
Bólisińiz:
Pandemııa kezinde memlekettik qyzmetter qalaı kórsetildi

NUR-SULTAN. QazAqparat – Dúnıejúzilik densaýlyq saqtaý uıymynyń jańa COVID-19 koronavırýsyn pandemııa dep jarııalaýyna baılanysty azamattardyń ómiri men densaýlyǵyn qorǵaý maqsatynda Qazaqstan Respýblıkasynyń barlyq aýmaǵynda 2020 jylǵy 16 naýryzda tótenshe jaǵdaı engizilgeni belgili. Sol sebepti ortalyq jáne jergilikti atqarýshy organdardyń qyzmetkerleriniń basym bóligi qashyqtan jumys isteýge kóshirilip, el turǵyndary úshin memlekettik qyzmetter alý barysynda qıyndyqtar týyndaǵan bolatyn. Degenmen, Tsıfrlyq damý, ınnovatsııalar jáne aeroǵarysh ónerkásibi mınıstrligi qabyldaǵan naqty is-sharalardyń arqasynda memqyzmetshilerdiń qashyqtan jumys isteýine qolaıly jaǵdaı jasalyp, azamattar da ózderine qajetti qyzmetti ala aldy.

Uqsas jańalyqtar
ShQO-da bıyl Qoldau 24/7 qosymshasy arqyly 600-den astam shaǵym túsken Ázerbaıjanda COVID tólqujattaryn tekserýge arnalǵan mobıldi qosymsha tanystyryldy Táýligine 3 myń shaqyrtý: qaraǵandylyqtar jedel járdemge jıi júgine bastady

Internetpen qamtý

Búginde Qazaqstannyń telekommýnıkatsııa salasyn damytýdaǵy basym mindetterdiń biri el turǵyndaryn keńjolaqty Internet qyzmetimen qamtý bolyp otyr. Qazirgi ýaqytta elimizde keńjolaqty Internet qyzmeti 88 qala men 30 qala mańyzdaǵy eldi mekende, sonymen qatar 5 214 aýylda qoljetimdi. Bul baǵytta Tsıfrlyq damý, ınnovatsııalar jáne aeroǵarysh ónerkásibi mınıstrligi elimizde engizilgen tótenshe jaǵdaı kezinde de mańyzdy eki jobany júzege asyrǵanyn atap ótken jón. Onyń biri - talshyqty-opıtkalyq jeli arqyly keńjolaqty Internetpen qamtý jobasy. 2018-2020 jyldary aralyǵynda memlekettik-jekeshelik áriptestik arqyly eldi mekenderdi keńjolaqty Internetpen barynsha qamtý úshin talshyqty-optıkalyq jeli salý jobasy júzege asyrylyp, nátıjesinde 3 718 memlekettik organ men bıýdjettik mekemeler ornalasqan 1 257 eldi meken joǵary jyldamdyqty Internetpen qamtyldy. Ekinshi joba – eldi mekenderdi keńjolaqty mobıldi Internetpen qamtý. 2020 jyly eldi mekenderde 3G/4G arqyly mobıldi baılanys jáne radıotehnologııa jelisin salýdy qamtamasyz etý maqsatynda Tsıfrlyq damý mınıstrligi men uıaly baılanys operatorlary arasynda memorandýmǵa qol qoıylyp, turǵyndar sany 250-den asatyn aýyl keńjolaqty Internetpen qamtamasyz etildi.

Joǵaryda atalǵan eki jobany sátti júzege asyrýdyń arqasynda ótken jyly Qazaqstan halqynyń 99 paıyzy keńjolaqty Internet qyzmetin paıdalana bastady.


Aqparattyq qaýipsizdikti qamtamasyz etý

Dúnıejúzilik densaýlyq saqtaý uıymy COVID-19 jańa koronavırýsyn pandemııa dep jarııalaýyna baılanysty elimizde naýryz aıynyń 16-si kúni tótenshe jaǵdaı rejımi engizilgen bolatyn. Dál osy ýaqytta Tsıfrlyq damý mınıstrligi memlekettik qyzmetshiler úshin qashyqtan jumys isteý rejımin alǵash ret uıymdastyrdy. «Qashyqtan jumys isteý orny» atty ilki jobany iske qosty. Osy joba aıasynda Nur-Sultan men Almaty qalalarynda 5,7 myń memlekettik qyzmetshi 21 aqparattyq júıe men 23 memlekettik organnyń bultty qujat aınalymyna qol jetkizip, qashyqtan jumys istedi.

Qazirgi ýaqytta mınıstrlik ortalyq memlekettik organdardyń qyzmetkerlerin otandyq mamandar ázirlegen «Certex VPN» baǵdarlamalyq-apparattyq keshen arqyly qashyqtan jumys ornyna qosýǵa baǵyttalǵan is-sharalardy júrgizip jatyr. Atalǵan keshen Senimdi baǵdarlamalyq qamtamasyz etý jáne elektrondy ónerkásip ónimi tizilimine tirkelgen.


Pandemııa kezindegi HQKO jumysy

Koronavırýs pandemııasyna jáne elimizde tótenshe jaǵdaı rejıminiń engizilýine baılanysty 2020 jyldyń 26 mamyrynan Halyqqa qyzmet kórsetý ortalyqtary jumysyn toqtatyp, tek 4 mamyrdan bastap qana birtindep jandandyra bastaǵan bolatyn.

Qatań karantın jaǵdaıynda HQKO-lardyń eń tájirıbeli ári daıyndyqtan ótken 1800-den astam mamany 1414 baılanys ortalyǵy keńesshilerimen birge onlaın formatta memlekettik qyzmetter alý kezinde azamattarǵa kómek kórsetip otyrdy. Buǵan qosa, HQKO-larǵa 21 naýryzǵa deıin qujattaryn ótkizip qoıǵan azamattar úshin daıyn qujattardy berýge arnalǵan «bir tereze» jumys istedi. Kóligin qaıta tirkegen nemese júrgizýshi kýáligin aýystyrǵan azamattar daıyn qujattary men memlekettik tirkeý nómirlerin Arnaýly HQKO-larda ashylǵan «bir terezeden» ala aldy.

Aıta keterligi, elimizde daıyn qujattardy berý jumysyna «Azamattarǵa arnalǵan úkimet» memlekettik korporatsııasynyń 800-den astam mamany jumyldyryldy. Buǵan qosa, memlekettik korporatsııanyń taǵy 914 qyzmetkeri úılerinen onlaın jumys istep, vıdeoqońyraý arqyly qazaqstandyqtardy mobıldi azamattar bazasyna tirkep, elektrondy-tsıfrlyq qoltańba berip otyr.

Sondaı-aq, karantın ýaqytynda memkorporatsııa qyzmetkerleri 6,2 mln-nan astam qońyraýǵa jaýap berip, jeke jáne zańdy tulǵalardyń 1,8 mln-nan astam elektrondy-tsıfrlyq qoltańbasyn naqtylady. 2 mıllıonnan astam turǵyndy mobıldi qazaqstan bazasynda tirkedi. Operatorlar 7,1 mln-nan astam vıdeoqońyraýǵa jaýap berdi. Karantın ýaqytynda memkoroproatsııanyń áleýmettik blogyndaǵy 3 myńǵa jýyq qyzmetker táýligine 14 saǵat jumys istedi. Sonyń arqasynda 2,2 mln zeınetker zeınetaqylaryn der ýaqytynda alyp, áleýmettik tólemniń 43 túri keshiktirilmeı alýshylarǵa aýdaryldy. Al tabysynan aıyrylǵandarǵa 42 500 teńge mólsherindegi járdemaqy da ýaqtyly berilip turdy.


Memlekettik qyzmet kórsetý

Pandemııa kezinde qaǵaz qujat memlekettik organdardaǵy kornonavırýs ınfektsııasy taralýynyń áleýetti kózi bolǵandyqtan 22 ortalyq memlekettik organ, 40 komıtet, Ulttyq statıstıka bıýrosy, Prezıdent Іs basqarmasynyń 2 vedomstvosy jáne memlekettik organdardyń 176 aýmaqtyq bólimshesi shuǵyl túrde bultty qujat aınalymyna kóshirildi. Ortalyq jáne memlekettik organdar úshin 2 300-den astam vıdeokonferentsııa men onlaın-translıatsııa ótkizildi.

Egov portalynda memlekettik qyzmetterdi avtomattandyrý 90 paıyzǵa jetkizilip, 41,2 mln-nan astam elektrondy qyzmet kórsetildi. Al Egov mobile qosymshasy arqyly kórsetilgen qyzmet sany 8,4 mln-nan asyp tústi. Jeke kýálik, júrgizýshi kýáligin alý syndy áleýmettik mańyzy bar qyzmetter onlaın formatqa aýystyryldy. 32 memlekettik qyzmetti alý barysynda azamattardan mekenjaı anyqtamasyn talap etý joıyldy. Koronavırýs taralýyn baqylaý, vırýs juqtyrý táýekeli jaıly habarlandyrý júıesin qoldaný arqyly ınfektsııa oshaqtaryn jer ýaqytynda oqshaýlaý maqsatynda Saqbol mobıldi qosymshasy ázirlendi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT