Adam kapıtaly men adam quqyn qorǵaý máselesin Prezıdent basty orynǵa qoıýda — Marat Bashımov
2021 jylǵy 25 aqpan 19:45

Adam kapıtaly men adam quqyn qorǵaý máselesin Prezıdent basty orynǵa qoıýda — Marat Bashımov

ALMATY. QazAqparat - Adam kapıtaly men adam quqyn qorǵaý máselesin Prezıdent basty orynǵa qoıýda. Búgin Prezıdent Qasym-Jomart Toqaevtyń qatysýymen ótken Ulttyq qoǵamdyq keńes otyrysyna qatysty osyndaı pikirimen Eýropalyq quqyq jáne adam quqyǵy ınstıtýtynyń dırektory Marat Bashımov bólisti, dep habarlaıdy QazAqparat tilshisi.

«Prezıdent aıtyp ótken ındıkatorlarǵa qaraýymyz kerek. BUU-da adam quqyǵy týraly 14 ındıkator bar. Solardyń ındıkatorlaryna ózimizdiń ulttyq ındıkatorlardy sáıkes keltirsek, bizdiń memlekettik saıasat joǵarǵy deńgeıge jetedi. Ol óte mańyzdy. Adam quqyǵy salasynda jeke quqyǵy, saıası áleýmettik quqyǵy, mádenı quqyǵy bolsyn barlyq jerde birinshi orynda bolýy kerek. Biz bul oraıda BUU-nyń standarttaryna qaraýymyz kerek. Keńeste densaýlyq, ekologııa salasy, tsıfrlandyrý, áleýmettik salada baspana salý, sondaı-aq bilim salasyndaǵy problemalar kóterildi», - dedi Marat Bashımov.

Qoǵamdyq kelisim Ulttyq keńesinde eńbek naryǵyndaǵy adam quqyǵynyń saqtalýy týraly da keńinen aıtyldy.

«Qazaqstannyń ólim jazasynan bas tartyp, halyqaralyq uıymdarmen birge bolýy - mańyzdy. Muny dúnıjúzi qoldap otyr. Al ákimshilik ıýstıtsııaǵa kóńil bólgenimiz qarapaıym halyqtyń jaǵdaıyn kóterýdi bildiredi. Advokattardyń deńgeıin kóterý, áıel men bala quqyn joǵary qoıý, bári adam quqyqtarymen baılanysty. Qoǵamdyq kelisim Ulttyq keńesinde Prezıdent aıtqan barlyq másele, barlyq jospar saıyp kelgende qalyń buqaranyń qamy úshin jasalyp otyr. Maqsaty - adam kapıtalynyń áleýmettik-ekonomıkalyq jaǵdaıyn, adam quqyn joǵarǵy deńgeıge kóterý,- dedi Marat Bashımov.


Jańalyqtar

Úrdis

MURAǴAT