Májiliste banner mátinin qatesiz jazýǵa qatysty qujat maquldandy
2021 jylǵy 24 aqpan 10:46

Májiliste banner mátinin qatesiz jazýǵa qatysty qujat maquldandy

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine kórneki aqparat máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy QazAqparat tilshisi.

Atalǵan zań jobasyn qabyldaýdyń maqsaty - Qazaqstan Respýblıkasynyń keıbir zańnamalyq aktilerin kórneki aqparat máseleleri boıynsha jetildirý.

Zań jobasynyń negizgi baǵyttary:

1. Derektemeler men kórneki aqparat mátinderin orfografııa normalaryna sáıkes jazý;

2. Derektemeler men kórneki aqparat mátinderiniń teńtúpnusqaly aýdarmasyn (aýtentıchnost) saqtap otyryp jazý;

3. «Mátinniń teńtúpnusqaly aýdarmasy» degen uǵym engizý.

«Kórneki aqparat quraldary (bannerler, mańdaıshalar, habarlandyrýlar, jarnama, baǵa kórsetkishteri jáne t.b.) eldegi qoǵamdyq-saıası, áleýmettik-ekonomıkalyq jaǵdaıǵa áser etetin mańyzdy quraldar bolyp sanalady. Derektemeler men kórneki aqparat mátinderin orfografııa normalaryna sáıkes jazý talaby qazaq tilindegi mátinderdiń sapasyz jazylýyna, orfografııalyq qatelerge jol bermeýge baǵyttalǵan. Derektemeler men kórneki aqparat mátinderiniń teńtúpnusqaly aýdarmasyn saqtap otyryp jazý talaby qoǵamda eki tilde (qazaq jáne orys tilderindegi) berilgen mátinderdiń maǵynalyq, mazmundyq jaǵynan sáıkes kelmeýi faktilerin joıýǵa baǵyttalyp otyr», - dedi QR Mədenıet jəne sport mınıstri Aqtoty Raıymqulova.

Onyń aıtýynsha, kórneki aqparatty ashyq keńistikte jáne ǵımarattar ishinde zańnamada belgilengen tártippen memlekettik organdarmen qatar kez kelgen kásipkerlik sýbektileri júzege asyra alady. Kásipkerlik sýbektileri kórneki aqparatty óz ónimi men qyzmetin ilgeriletý quraly retinde paıdalanady.

«Memlekettik organdarǵa azamattardan kórneki aqparatty ornalastyrý kezinde til týraly zańnama talaptarynyń buzylýyna baılanysty shaǵymdardyń kóptep túsýi oryn alýda. Osy oraıda memlekettik tildegi kórneki aqparattyń bolmaýyn azamattar Qazaqstan Respýblıkasy Konstıtýtsııasynyń 14-babynda bekitilgen óz quqyqtaryna qysym jasaý dep sanaıdy.

Kórneki aqparatqa qatysty zań buzýshylyqtar boıynsha memlekettik organdarǵa 2018 jyly – 12 886 ótinish, 2019 jyly 12 900 ótinish kelip túsken. 2020 jyly kórneki aqparattar boıynsha jedel jelige (call center) kelip túsken shaǵymdar sany – 3442-ni quraǵan», - dedi mınıstr.

Atalǵan problemalardy sheshý maqsatynda zań jobasy aıasynda Qazaqstan Respýblıkasynyń 13 zańnamalyq aktisine túzetýler engizý kózdelip otyr.

Kútiletin nátıje:

- memlekettik tildiń kórneki aqparatta mindetti túrde qoldanylýyn qamtamasyz etý;

- derektemeler men kórneki aqparat mátinderin orfografııa normalaryna sáıkes jazýdy qamtamasyz etý;

- mátinderdiń eki tilde teńtúpnusqalylyǵyn saqtap jazýdy qamtamasyz etý.

«Zań jobasyn qabyldaý elimizdegi til saıasatyn tıimdi iske asyrýǵa yqpal etetin bolady, teris quqyqtyq jáne áleýmettik-ekonomıkalyq saldarǵa ákep soqtyrmaıdy», - dedi A. Raıymqulova.


Avtor:
Tilshi

Jańalyqtar

MURAǴAT