+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Toqaev áskerılerdiń BUU bitimgerlik operatsııasyna qatysý Jol kartasyn ázirleýdi mindettedi

2020 jylǵy 19 qarasha 18:06
Bólisińiz:
Toqaev áskerılerdiń BUU bitimgerlik operatsııasyna qatysý Jol kartasyn ázirleýdi mindettedi

NUR-SULTAN. QazAqparat – Qazaqstan Qarýly kúshteriniń BUU bitimgerlik operatsııalaryna qatysýyn keńeıtý jónindegi Jol kartasyn ázirleý kerek. Qorǵanys mınıstrliginiń keńeıtilgen alqa májilisine qatysqan QR Prezıdenti Qasym-Jomart Toqaev osylaı málim etti, dep habarlaıdy QazAqparat.

Joǵarǵy Bas qolbasshy armııanyń áskerı mashyǵyn udaıy shyńdap otyrý kerek ekenin aıtty. Qasym-Jomart Toqaev bıyl ótken áskerı jattyǵýlarda qazaqstandyq áskerıler joǵary daıyndyǵyn kórsetip, bitimgerlik mıssııalarǵa qatysýǵa ázir ekenin atap ótti. Osyǵan oraı Qorǵanys mınıstrligine múddeli memlekettik organdarmen birlesip 2021 jyldyń 1 tamyzyna deıin Qazaqstan Qarýly Kúshteriniń BUU bitimgerlik operatsııalaryna qatysýyn keńeıtý jónindegi Jol kartasyn ázirleýdi mindettedi.

Memleket basshysy óziniń tapsyrmasy boıynsha Beırýt portyndaǵy jarylystyń saldaryn joıý kezinde Lıvan halqyna kórsetken kómegi úshin Qarýly kúshterdiń áskerı dárigerlerine rızashylyǵyn bildirdi. Sondaı-aq Qasym-Jomart Toqaev koronavırýspen kúres kezinde ózderine júktelgen jaýapty mindetti abyroımen atqarǵan barlyq áskerı qyzmetshilerge alǵys aıtty.

Eske sala ketsek, Memleket basshysynyń tóraǵalyǵymen Qorǵanys mınıstrliginiń keńeıtilgen alqa májilisi ótti.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT