+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Senatta «Uly dala qundylyqtary» taqyrybynda talqylaý ótedi

2020 jylǵy 18 qarasha 16:36
Bólisińiz:
Senatta «Uly dala qundylyqtary» taqyrybynda talqylaý ótedi

NUR-SULTAN. QazAqparat – Parlament Senatynda «Uly dala qundylyqtary» taqyrybynda parlamenttik tyńdaý ótedi. Bul týraly QR Parlamenti Senatynyń depýtaty Murat Baqtııaruly málim etti, dep habarlaıdy QazAqparat tilshisi.

«QR Parlamenti Senatynyń Áleýmettik-mádenı damý jáne ǵylym komıteti Senattyń 2020 jylǵa arnalǵan negizgi is-sharalar josparyna sáıkes, «Ulttyq qundylyqtar - rýhanı jańǵyrýdyń negizi» taqyrybyna arnalǵan «dóńgelek ústeldi» uıymdastyryp otyr. Onyń basty maqsaty – aldaǵy ýaqytta ótkizilýi josparlanyp otyrǵan «Uly dala qundylyqtary» taqyrybyndaǵy parlamenttik tyńdaý boıynsha jumys tobyn qurý, kóteriletin máselelerdi aıqyndap, olar boıynsha tıisti usynymdar jobasyn ázirleý, parlamenttik tyńdaýdy ótkizýdi uıymdastyrý máselelerin pysyqtaý bolyp otyr», - dedi senator atalǵan dóńgelek ústel otyrysynda.

Osy oraıda ol taqyryp aıasyndaǵy basqa da ózekti máselelerdi depýtattarmen, tıisti mınıstrlik basshylarymen jáne zııaly qaýymmen talqylaý qajettigi týyndap otyrǵanyn jetkizdi.

«Ózderińizge belgili, Elbasymyz da, Memleket basshysy da sońǵy kezderi ultymyzdyń rýhanı, materıaldyq qundylyqtaryn saqtaý, dáripteý máselelerine Joldaýlarda, baǵdarlamalyq maqalalarda arnaıy toqtalyp júr. Jahandaný dáýirinde jas urpaq úlken aqparat aıdynymen betpe-bet kelip otyr. Qundylyqtardyń ishten irýi – rýhanııatymyzdy usaqtatyp, ulttyq tamyryna balta shabatyny sózsiz. Oǵan álem tarıhynda mysaldar jetkilikti. Bul óz kezeginde árbir qazaqty oılandyrýy kerek. Ulttyń qorǵany - tilimiz, salt-dástúrimiz, otbasylyq qasıetimiz, ulttyq biregeıligimizdi kórsetetin rýhanı jandúnıemiz, adal eńbegemiz ben kásibıligimiz, eń bastysy, bilimimiz ben ǵylymymyz», - dedi M. Baqtııaruly.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT