+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Koronavırýspen kúres: Qyzylordada 2 qarashada jańa qaýly kúshine enedi

2020 jylǵy 1 qarasha 00:19
Bólisińiz:
Koronavırýspen kúres: Qyzylordada 2 qarashada jańa qaýly kúshine enedi

QYZYLORDA. QazAqparat - Qyzylorda oblysynda koronavırýs ınfektsııasynyń aldyn alý maqsatynda jańa qaýly kúshine enetin boldy, dep habarlaıdy QazAqparat tilshisi.

Uqsas jańalyqtar
Bir kúnde 59 syrqat koronavırýstan kóz jumdy 4 672 naýqas koronavırýstan jazylyp shyqty Taǵy 3 myńǵa jýyq qazaqstandyq koronavırýs juqtyrdy

Bul jóninde oblystyń bas memlekettik sanıtarııalyq dárigeri Álııa Ábdiqaıymova málim etti. Aıta keteıik, onyń №25 qaýlysy 2 qarashadan bastap kúshine enedi.

Qaýlyda kórsetilgenindeı, oblys aýmaǵynda kınoteatrlar ashylyp, oblystyq komandalardyń oqý-jattyǵý jıynyna ruqsat berilgen. Saýda, oıyn-saýyq ortalyqtary, jabyq bazarlar senbi kúni de qyzmet kórsete alady. Tek jeksenbi men mereke kúnderinde olardyń jumysyna shekteý qoıyldy.

«Dúısenbiden bastap kınoteatrlar jumysyn qaıta bastaýǵa sheshim qabyldandy. Bul oryndar sanıtarlyq talapty qatań saqtaý arqyly 9.00-den 22.00-ge deıin jumysyn júrgizedi. Kınoteatrlardyń toltyrylýy 30 %-dan aspaýy tıis. Aıta keterligi, kıno kórsetetin zal qarańǵy bolady. Jaryq az túsedi. Sondyqtan árbir kıno kórsetiler aldynda dezınfektsııa júrgizilýi qajet», - dedi Á. Ábdiqaıymova.

Oblystyń bas memlekettik sanıtarııalyq dárigeriniń aıtýynsha, kúnniń erte batýyna baılanysty tamaqtaný oryndary, sulýlyq salondar, SPA ortalyqtary, monsha, sport zaldarynyń qyzmet kórsetý ýaqyty bir saǵatqa qysqartylyp, olar qyzmetin 22:00-ge deıin júrgizetin boldy.

«Al oıyn-saýyq, sporttyq is-sharalardy, kórmelerdi, forýmdardy, konferentsııalardy, otbasylyq, saltanatty, estelik is-sharalardy, úıde jáne adamdar kóp jınalatyn ózge de is-sharalardy ótkizýge tyıym salynady. Sondaı-aq, karaoke, bılıard, kompıýterlik klýbtar, túngi klýbtar, boýlıng ortalyqtary, jabyq úı-jaılardaǵy balalar oıyn alańdary men attraktsıon, batýt, býkmekerlik keńse, kalıandy paıdalanýǵa bolmaıdy. Oǵan qosa sportshylardyń elimizden tys jerlerde oqý-jattyǵý jıyndary men jarystarǵa qatysýyna tyıym salý jalǵasady», - dedi Á. Ábdiqaıymova.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT