«BEST PAPA» - Qazaqstannyń úzdik ákeleri marapattaldy

NUR-SULTAN. QazAqparat – «BEST PAPA» respýblıkalyq ákeler forýmynda «Jyldyń úzdik ákesi» baıqaýynyń jeńimpazdary marapattaldy, dep habarlaıdy QazAqparat tilshisi.

Uqsas jańalyqtar

2020 jyly 936 myńnan astam adam AÁK aldy

«Smart Aqmola» bazasynda 112 biryńǵaı Call-ortalyǵy jumysyn bastaıdy 2030 jylǵa deıin Almatyda 38 kóshe uzaratylady Burynǵy áıeliniń mazasyn alǵany úshin 300 saǵattyq qoǵamdyq jumysqa jegildi – ShQO

Úsh aılyq baıqaý nátıjesi boıynsha Almaty oblysy Boraldaı kentiniń turǵyny Dııas Dáýletbekov «Áke – úzdik otaǵasy» nomınatsııasymen marapattaldy, Sátpaev qalasynyń turǵyny Qurmet Bazarov «Úzdik tájirıbeli áke» atandy, al «Úzdik shyǵarmashyl áke» nomınatsııasynda aqtóbelik Aıdyn Pirmaǵanbetov jeńiske jetti.

Ekibastuzdyq Vıtalıı Avargın «Úzdik dana áke» atandy. «Úzdik sportshy áke» atalymynda Sátpaev qalasynda turatyn Erjan Júsipov marapattaldy. «Jyl ákesi» nomınatsııasy boıynsha almatylyq Elıan Ábdirahmanov jeńimpaz atandy.

Áke ınstıtýtyn damytýǵa qosqan ólsheýsiz úlesi úshin almatylyq Medet Óserov arnaıy syılyqpen marapattaldy, oraldyq Sáken Sadyruly – «Oqýshylarǵa tálimgerligi jáne sporttyq rýhty tárbıelegeni úshin» yntalandyrý syılyǵyna ıe boldy.

Sonymen birge, forým barysynda osyndaı jobalarǵa belsendi qatysyp júrgen, áke ınstıtýtyna qoldaý kórsetip júrgen Erken Otarbaevqa, Amandos Qulovqa, Erken Tobylbaevqa, Beket Dáýletqalıevke, Násipqalı Ótepqalıevke jáne basqalarǵa alǵys aıtyldy.

«Forýmdy uıymdastyrǵan «En baqytty el» qoǵamdyq qoryna úlken alǵysymdy bildiremin. Olardyń Qazaqstanda áke ınstıtýtyn damytyp júrgenderi qýantady. Bul taqyryp maǵan óte jaqyn. Bul meni kóptegen trenıngterden keıin basqa da taqyryptarǵa jol ashty. Men Ekibastuz qalasynyń ákeler keńesin basqaramyn. Men barlyq qalalarda ákeler keńesi qurylýy úshin osy qozǵalysty belsendi túrde damytýdy bastadym», - dedi Vıtalıı Avargın.

Jeńimpazdarǵa túrli kompanııalardyń syılyq sertıfıkattary men gramotalary berildi.

Aıta keteıik, YouTube jelisinde «BEST PAPA» respýblıkalyq ákeler forýmy onlaın ótti. Oǵan TMD elderi men Qazaqstannyń túrli óńirlerinen qonaqtar qatysty.